33 "Nimlongelani aghano ili mkale tseghamba mghati mwangu. Muisi aino mtsodununzika; lekeni mwighangamitse, nene niihuma isi."

9 Apfi si nene baye yanikulaghitse? Ughangamale na uleke kutenyuka. Uleke kupfuka wala kuya kuchughu, kwaapfila IMNDEWA, Imulungu kahamwe naghwe kwokwose kwaughenda."

25 Yoshua kawalongela, "Mleke kupfuka, wala kutenyuka, na mghangamale, kwaapfila apfi pfipfo IMNDEWA pfayatsowatenda awala wose iwowehila hamtsetowa nawo."

7 Mana Imulungu ng'atwing'ile bae muhe wa kututenda tupfuke, ila muhe wa ingupfu na wa unoghelo na wa ghumoyo wa kwilongotsa wenyegho.

13 Noghadaha ghose kubitila Kiristu iyongaya tsingupfu.

24 Mgangamale na mdudumile,

mwemwe mwose yamumbeta IMNDEWA.

3 Hanikukemile ghweghwe kunyidika

kunenda niwe na ngupfu na ndeke kwona wogha.

1 IMNDEWA yuyo ghumwanga ghwangu na ukombotsi wangu,

lelo nene yanitsompfuka nani?

IMNDEWA yuyo ingome ya ugima wangu,

lelo nene yanitsamwonela wogha nani?

27 Lekeni bahala, Yesu kawalongela, "Mhole ghumoyo, ambe nene! Mleke kupfuka!"

50 kwaapfila wose tsawamwona na wang'ali wopfuka.

Bahala Yesu kawalongela, "Nene! Mleke kupfuka."

48 Yesu kamlongela ipinga ayo, "Mwanangu, ukutoghola kwako kukuhonetsa. Ughende tseghamba."

6 Apfo ghamatsuwa ghose twoghumighwa ghumoyo na twomanya ghendo tung'akala mna lukuli luno luliheka, twokala kutali na ukaye yetu kwe Imtwatsa.

10 Mna litsuwa lya ishilini na ndatu lya ghumwetsi ghwa saba, Selemani kawalekelela iwanu woke, na woka mmakaye mwao akuno wodeng'elela na kusangalamka mna imimoyo yawo kwa ghose ighanoghile IMNDEWA ghayamtendele imtumighwa wake Daudi na iwanu wake Waisiraeli.

7 "Mgangamale na mwitowe chilume, mleke kupfuka wala kutenyuka hambele ha mfalume wa Ashuru, na maasikali wake iwali wengi kwaapfila yatuli naye twetwe mkulu kubita iyali naye Senakeribu.

10 Ung'atsilika mna ghamatsuwa gha ukughaya, ghweghwe kwa nyonde nyonde ghendo.

25 Apfo msangalale! Kwaapfila nomtoghola Imulungu itsolawila ka pfanongele.

6 Nene nomanya ghendo ka Imulungu iyandusile isang'ano ino inoghile mghati mwenu, katsoighendeletsa mbaka haitsotimila mne litsuwa lila hayatsakuya Kiristu Yesu.

6 Muideng'elele imbuli ino, hata ka sambi, kwa chipindi chidodo mwobamighwa mghanzike kwaajili ya ukughetsighwa sideke.

39 IMNDEWA katsowakombola iwanu wana ihaki,

kwaapfila yeye yuyo iyowakombola mna ghamatsuwa gha ukughaya.

11 Kwaapfila tsanisulukila ghendo kumwonani na kwihangila namwe balaka tsayomwing'ani Ghumuhe Mwenzeluka ili kuwatenda mkomale. 12 Chanilonga hano, wose twikanze, mwemwe mnitoghole nene na nene nimtogholeni mwemwe.

16 Apfo ng'atukuya kuchughu bae, hata ka ng'uli tsetu tsolala, lekeni mghati muhe tsetu tsotendighwa tsa sambi chila litsuwa.

11 Lelo mwighume ghumoyo na mwiyapfe, ka pfamtenda sambi.

7 Apfo mbuli tse inoghola yenu tsitughela ghumoyo mne ukudununzika na mne maghayo ghetu ghose,

16 Baho iwanu wamwidika, "Ng'atutsomleka baye IMNDEWA wetu na kuisang'anila milungu ingi! 17 Kwaapfila IMNDEWA, Imulungu wetu yuyo iyatulapfile twetwe na iwahenga wetu Misiri, kulawa mna isi ya utumwa, twona kwa tsinenge tsetu ipfinu pfa kukangawatsa pfayatendile. Katukinga mnzila mwose mwatwang'ile na mna isi tsa iwanu mwatubitile.