33 Himigambileni ivi vileke mnde na utondowazi mwa miye mani kwa kunda mlunganyika hamwenga na miye. Mwe si mna makunt’ho, mna keink’heni moyo miye hiihuma si."

9 Kumbukila kugamba miye hikulagiza utoge naho unde mdahi. Usekogoha naho usekwingila chevu kwaviya miye Zumbe Mnungu ywako ni hamwenga na weye hohose aho nowiite."

25 Yoshua niyo awagamba, "Msekogoha hegu kunda na kiyangayanga, mtoge naho mnde wadahi kwaviya ivi nivo Zumbe Mnungu akuunga awatendele wank’hondo wenyu wose mkutowana nawo."

7 Kwaviya Muye kink’higwe ni Mnungu hiyo ywa kukitenda kinde wogofi, bule, mna ni Muye ywa kukink’ha ludole na lukunde, no kuudaha umoyo.

13 Nadaha kuyadamanya yose mwa Kilisito akunigela ludole.

24 Mnde wadahi na kukegela moyo,

nyose mkumhuwila Zumbe Mnungu.

3 Umwo nakwitangaga weye wanitikaga

wautondowazaga umoyo wangu kwa kunitenda ninde na ludole.

1 Zumbe Mnungu niye ung’azi wangu naho niye akuniyokola,

nogohe ani?

Zumbe Mnungu anamila kwa yose yaihile,

hina cha kogoha.

27 Mna aho Yesu niyo awagamba, "Keink’heni moyo, ni miye. Msekogoha!"

50 kwaviya wose nawogoha.

Yesu niyo awagamba, "Msekogoha! Ni miye. Keink’heni moyo!"

48 Yesu niyo amgamba yudya mvele, "Mwanangu, mhuwi wako ukuhonya, ita na utondowazi."

6 Ivo mazuwa yose kitoga. Kimanya kugamba, kwikala mwe mwili uno, ni kwikala hale na kwetu kaya na Zumbe.

10 Mwe dizuwa dya milongo miidi na nt’hatu dyo mwezi wa mfungate Selemani niyo awalaga want’hu waite kwe zikaya zawe, wakanga na kunda ne kinyemi mwe mioyo yawe kwa uwedi utendese uwo Zumbe Mnungu amtendelaga Daudi na Selemani na kwaajili ya want’hu wa Izilaeli.

7 "Mtoge naho mnde wadahi. Msekogoha naho msekwingila chevu hameso ha seuta Asilia hegu kwa watowani wakwe kwaviya uyo kinanaye suwe ni mkulu kujink’ha uyo ananaye yehe.

10 Unafachevu mwo lupisi lwa makunt’ho, weye kuswesa ludole.

25 Ivo mazumbe keink’heni moyo! Kwaviya nahuwila Mnungu kugamba nevinde ivo nigambilwe.

6 Naho namanyisa kugamba Mnungu yudya aikongaga indima ino iyedi mwenyu, naaigendeleze mpaka aho neize inde ikint’ha mwe dizuwa dyo kuuya kwakwe Yesu Kilisito.

6 Indiliseni na kinyemi ne mbuli iyo, hamwenga na kugamba kwa lupisi lugihi nomuungigwe kunda na kinyulu kwa magezo ye hengi.

39 Zumbe Mnungu awayokola want’hu wedi,

naho awamila mwo lupisi lwa makunt’ho.

11 Kwaviya namunk’hwa kwiza kuwaona vileke niwatendeni mhokele vipe va kimuye va kuwatendani mtoge. 12 Icho hulonga ni iki, miye nigelwe moyo kwa sila yo mhuwi wenyu name niwageleni moyo kwa sila yo mhuwi wangu.

16 Kwaivo, hakikuuya kunyuma, hata uneva mili yetu yasakala, mna muye wetu watendigwa uhya zuwa kwa zuwa.

11 Ivo duganeni, naho mwambizane nyuwe kwa nyuwe enga ivo mkudamanya ivi haluse.

7 Kwaivo wandugu zetu, zimbuli zo mhuwi wenyu zikigela nguvu, mwa makunt’ho na msulumizo yose,

16 Aaho want’hu niyo wamhitula, "Hekidahe naho kumleka Zumbe Mnungu na kuidamanyila ndima milungu mituhu. 17 Kwaviya Zumbe Mnungu ywetu niye akilavile suwa hamwenga na wadala wetu mwe isi ya Misili uko chandile watumwa, kikaviona na meso yetu vihungi vidamanywe. Nakachamila mwe nt’hambo zetu zose na mwa want’hu wose umwo chombokaga.