33 Nariñagunbalin sun le hun, lun hadarirun darangilaü lidan hafiñerun nuagu. Hasufuriruba ubouagu, gama lumoun ganigi humá, gañei naali ubóu!

9 Au ariñagubei bun lun báfaagun ani ganigi buguyame. Manufudedabá, meferidirunbeime buguraasun, ladüga au, le Bubungiute le Babureme, búmabadina ñein lumuti bidin.

25 ábati lariñagun Hosué houn:

—Manufudeda humá meferidirun humeime huguraasun, lubaragiñe lira, hérerügü humá ganigi huguyame, lugundun ítarameme luba ladüga Wabureme houn sun háganiñu.

10 Manufudedabá, ladüga anahein buma;

manufudedabá au Bubungiutebei.

Rútina erei bun, íderagua numutibu,

ágüdaha numutibu lau núhabu le gagañeiradibei.

7 Ladüga míchugunti Bungiu aban Sífiri lánina anufudei woun, aban Sífiri lánina ubafu, ínsiñeni, luma ragüguaü unguaü líchugubei woun.

13 Sun katei gayara numuti lidan Kristu le íchugubei erei nun.

24 Sun huguya ha hemenigibaña luagu Aburemei

here humá gaguraasun huguyame.

3 Dan le nagúarunbei bun, óunaba bumutina,

aba bíchugun lanwoun nere.

1 Nabureme Bungiu, nilanpunbei

ligía giñe nesefuragülebei,

kábagia uei nanufudeda?

Sefu lumuti Aburemei nibagari,

kaba uei nanufudeda?

27 Aba ladimurehan Hesusu houn, aba lariñagun houn:

—Gaguraasun humá; au le, manufudeda humá!

50 ladüga sun hagía ariha hamuti, aba hanufudedagun. Aba ladimurehan houn, aba lariñagun:

—Ganigi humá! Manufudeda humá, au le!

48 Ábati lariñagun Hesusu tun:

—Niráü, areidaguaadibu ladüga bafiñerun nuagu. Beiba darangilañu.

6 Hemenigitiwa lubeiti súnwandan, lau sun subudi wamani luagu sun lan awanhagua lan ubouagu abagarida lidan wágubu díseñu waba lan luéi Wabureme.

10 Weyu wein-ǘrüwa lidan lisedün hati, aba lóunahaniña urúei gürigia hábiñoun lau ugundani luagu buiti le ladügübei Wabureme lun Dawidi, lun Salomón luma houn Ísüraelina ha lumutuniña.

7 —Here humá ganigi huguyame! Manufudeda humá meferidirun humeime huguraasun ligibugiñe lurúeite Asiria hama lumutuniña ha gíbebaña, lugundun gíbetiña wama luéi.

10 Anhein ábürüha barüna dan le lidan ban lénrengunga,

lóuguarügü liña bere.

25 Gaguraasun humá lubeiti, ladüga hemenigitina luagu Bungiu, ani chouru numuti luagu ítara luba lan kei lariñaguni ánheli nun;

6 Chouru numuti luagu Bungiu lan le agumeserubei adügei lubuidun luadigimari hidan, lasigiramémeba lan adügei darime weyu le liábingüle Hesukrístu.

6 Ligía lébubei buin hiña lan lau ugundani, lau sun lunti lan funa hasufurirun saragu óuchawaguni luagu murusun dan.

39 Lúmagiñe Aburemei liabin ídemuei houn gürigia buítiña,

ligía haramudaguagülebei lidan lidere dan.

11 Lugundun busentina narihinün lun nafanreinhan abinirúnimeme le líchugubei lani Bungiu Sífiri nun, lúntima héredun lidan hafiñen; 12 lun giñe wíchugun gurasu wóuniwagua lau afiñeni le wawagubei.

16 Ligía mábürühan lubéi warüna. Labu sun agumuchagueina liña lan wágubu murusun murusun; iseridagueina waña múnadagiñe wabiti sagü weyu.

11 Ligía rúmeme humá lubéi gurasu luma erei húniwagua ítara kei hadügüni guentó.

7 Ítara liña lubeiti, niduheñu, rúhali uganu le saragu gurasu woun laganagua sun lénrengunga luma idiheri le wasufurirubei guentó.

16 Ábati hariñagun:

—Mígirundügü láamuga Wabureme lun weseriwidun houn amu búngiugu! 17 Wabureme asagarubaliwa hau sun wagüchagu Ehiptugiñe, ñein lubéi meha idamuni wamá. Ligía adügübei saragu buidu ligibugiñe wagu, ligía giñe óunigirubaliwa luagu üma dan le wásügürünbei lídangiñe saragu fulasu.

11 Subudi numuti naransehan hubá, aransehani lun buiti mama lun wuribati hun, lun gayaraabei lan níchuguni dan le lunbei liabin buin lau emenigini hun. Au, le Aburemei ariñagubalin.