33 Nansalile gelega kuti nlumbikane ni uneji ni kukola chitendewele. Mchilambo chinsauche, nambo muusimane ntima! Uneji nachipundile chilambo!"

9 Nkumbuchile kuti une nanlamwile mmwejo kuti nlimbangane ni kukola ntima wangajogopa. Nkajogopa namose kupwa ntima, pakuŵa une Ambuje Akunnungu, Akunnungu ŵenu, ndili ni mmwe kose kutinjaule."

25 Che Yoshua ŵaasalile, "Nkajogopa, namose nkapwa mitima, nlimbangane ni kukola mitima jangajogopa. Pakuŵa Ambuje Akunnungu chiŵatendele yele ŵammagongo ŵenu wose uchinchiputana nawo."

7 Pakuŵa Mbumu jwatupele Akunnungu ngaŵa jwakututenda tuŵe ŵakogopa, ngwamba, nambo ali Mbumu jwao jwakutupa machili ni unonyelo ni ntima wa kulisiŵila.

13 Ngukombola kupanganya indu yose kwa litala lya Kilisito ŵakuumba machili.

27 Papopo, Che Yesu ŵasalile, "Muusimane ntima, ndili une, nkajogopa!"

50 Pakuŵa wose paŵambweni ŵajogwepe nnope.

Papopo Che Yesu ŵaasalile, "Muusimane ntima, ndili une, kasinjogopanga."

48 Che Yesu ŵansalile jwankongwe jula kuti, "Mwanangu, chikulupi chenu chinnamisye. Njaule kwa chitendewele."

6 Nipele katema kose tukulimbiswa mitima, sooni tukumanyilila kuti katema katukuŵa mchiilu chi, tukutama kwakutalika ni Ambuje.

25 Nipele nkamulichisye ntima, pakuŵa ngwakulupilila Akunnungu kuti chiitendekwe mpela indite pakusalilwa.

6 Isyene ngumanyilila kuti Akunnungu juŵagatandisye masengo gambone ga mmitima mwenu, chagajendelechesye mpaka pachigamalile pa lyuŵa lya kuuja Kilisito Yesu lila.

6 Msengwanje nkati yeleyo, namuno sambano, kwa katema kakajipi, chinsachilwe kulaga kwa ligongo lya malinjilo gamajinji.

11 Pakuŵa sachile kwannope kummona ŵanyamwe, kuti ngamulangane ni ŵanyamwe mu ntuuka ungupegwa ni Mbumu jwa Akunnungu, kuti mme ŵalimbangene. 12 Chingusala, ŵanawose tutusyaneje mitima, ŵanyamwe mulimbisye une mu chikulupi changu ni uneji nanlimbisye ŵanyamwe mu chikulupi chenu.

16 Kwapele ngatukupwa mitima, namuno iilu yetu ikuwisala nambo mbumu syetu munkati mwetu sikutendekwa syasambano moŵa gose.

11 Nipele ntusyane ntima jwine ni jwine ni kulimbisyana jwine ni jwine mpela inkutenda sambano.

7 Kwa yeleyo achalongo achinjetu, mkusauka kwetu ni malagasyo gatukugapata tukutulaswa ntima nomwe kwa kupilikana nkati chikulupi chenu.

16 Pelepo ŵandu ŵajanjile, "Ngatukombola kwaleka Ambuje Akunnungu ni kwaula kujitumichila minungu jine. 17 Pakuŵa, Ambuje Akunnungu, Akunnungu ŵetu ni ŵaŵatukopwesye uweji pamo ni achachekulu ŵetu ku chilambo cha ku Misili kutwaliji achikapolo, twalionele indu yakusimosya iŵaitesile. Ŵatugosile mu ulendo ŵetu wose, ni pasikati ja ŵandu ŵa ilambo yose mutwapitile pambindikati jao.