O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
तबेकमारे मोशक नियम कानुन पवित्र बा। और आज्ञा पवित्र, धर्मी और मजा बा।
और यी संसारके मनैनके हस ना चलो; पर अपन सोँच्ना तरिकाहे पूरा रुपमे बदलदेऊ, जिहिसे तुहुरे परमेश्वरके मजा, ग्रहणयोग्य और सिद्ध इच्छाहे खोज्ती रहे सेको।
तबेकमारे यदि कौनो फेन चिज हमार नजरमे मजा बा। पर यिहिसे हमार विश्वासी भैयाहे समस्या हुइथिस कलेसे हमार असिके नही करल मजा हुई ताकि दोसुर जाने हमार आलोचना ना करिँत।
सक्कुहुनसे पहिले मै तुहुरिन्हे यी बिन्ती करतुँ कि बिन्ती, प्राथना, निवेदन और धन्यवाद सक्कु मनैनके लग करो। रज्वनके लग और उ सक्कु मनैनके लग प्राथना करो, जेनके थेन सरकारी अधिकार बतिन। ताकि ओइने हम्रिहिन्हे शान्ति और सुरक्षासे रहक लग सहायता करिँत। जिहिसे हम्रे परमेश्वरके आराधना करे सेकी। और दोसुर जहनहे हरदम मजा व्यवहार करे सेकी। सक्कु मनैनके लग असिके प्राथना करना सही हो, और हमार मुक्तिदाता परमेश्वर यिहिहे स्वीकार फेन करथाँ।
काकरेकी परमेश्वरके बनाइल हरेक चिज मजा बा, और कौनो फेन चिज अस्वीकार करना योग्यक नै हुइँत। पर परमेश्वरहे धन्यवाद देके उहिहे स्वीकार करे परत। काकरेकी उ चिज परमेश्वरके वचन और प्राथनक माध्यमसे परमेश्वरके स्वीकार करना योग्यक होजाइत।
हरेक मजा और सिद्ध दान वहे परमेश्वरके थेनसे आइत, जे स्वर्गक ओजरारहे बनैलाँ। परमेश्वर सदामान एक्के हस रथाँ, और ऊ बौनी हस नै बदल्थाँ।
नोन एकथो जरुरी चिज हो। पर यदि नोनक स्वाद चलगिलिस कलेसे, उहिहे फेनदोस्रे कसिके नोनार बनैना ते? तुहुरिन्के बिच्चेम नोनक हस गुण हुई परत, और एक दोसुर जहनके संग एकतामे रहे परत।"