12 Rəkɔ, ngâ, âgbɔ̂ əpʉ nə sə tə ərə ə̂në ə sə kpî, â kə za ama də âgbɔ̂ əpʉ nə sə tə ərə ə̂në ə sə kpî ə sə də äwänə â sə tə ə̂rɔ̂nə.

2 E mbrə̈ mbrə̈ tə̂ e Lïndə̂ kə mbrə tə̂ azü tshepashɔ tshe kpəsəye ne, bale e kätə̂ äwä kə Ndjapä tshə do tshelə kə wusə̂ ərə nə̂ e tə tafa nə, kanika e yerɔ äwä ərə ə̂në tshelə Ndjapä nə yində nə də ərə ə̂në ə sə tə ə̂rɔ̂ nə, ə̂në ə fʉ ə fʉ â ə lï nɔ̂ kɔ.

16 Ərə ə̂në ə sə tə ə̂rɔ̂ nə mbrə e kɔ, ə dö tə̂ ye dö tə ə̈bə̈ ərə ndə kə pa azü pa tə̂ e mbrə nə ne.

1 Rəkɔ, mə sə kə pa kə e ə pa, angbʉlînə lə aərə nɔ̂, e yü tshuku aərə lə kəna Ndjapä ə pä aəpʉ kə ətshə ə kɨ̈ ə̂sə̂ əyo tə̂ e kə ətshə ə zä mərshe kə ətshə mbrə azü nɔ̂. 2 E yü Ndjapä mbrə alayïngerə aəgɔ də azü nɔ̂ ə̂në əndje sə tə əgbro azü əgɔ kɔ, kanika a sə lə blatshe ə sə yera, ə tɔ popo Ndjapä ə lʉ tə̂ əzə̂. 3 Ərə ə̂në ə ga ə ga, ə fʉ lə ala Ndjapä, Awoshe əzə̂ kɔ kə sə̂.

4 Kandää, aərə nɔ̂ ə̂në Ndjapä mbrə̂ gâ ye kɔ, ə sə tə ə̂rɔ̂nə, â ə̈bə̈ ərə bale ndə kə pa əzü wəra tə̂ ye tə̂ nə guta gu ne, bale əzü lï ndə kə pa tshə zɨ ə za mərshe kə Ndjapä, 5 mbrə ə̂në Əpʉ Ndjapä də kə yu Ndjapä mbrə̂ aərə nɔ̂ mvo gâ ye.

17 Ə̂rɔ̂ âkrâ nɔ̂, ə̂rɔ̂ kə to ərə nɔ̂, to mâ lafɔ â jerə kɔ, ə to mâ ndə Abä, tə awombrə aərə ə̂në ə tshe lafɔ kɔ, ətshə ə̂në tshə sə kʉ kpə mandâ tə̂ ye: srɨyʉ ye sə sə tə̂ nə ne kɔ.

50 Əngbrʉ sə tə ə̂rɔ̂ ərə. Bale, kədə atshɔ əngbrʉ nə kə nglɔ̂ lə nə gâ ye, e sə kə mbrə atâ ndə kə kirə də nə gâ mandânə? E sə̈ də atshɔ əngbrʉ lə e də ə̂tə̂ e ə sə̈ də blatshe lə takpa tə̂ e də angâ e.»