O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
तेखअ भाल़ी बिधाता तिंयां सोभै गल्ला ज़ुंण तेऊ बणाईं ती। बिधाता भाल़ी कि तिंयां सोभै गल्ला अर तेता भाल़ी हुअ सह खुश। संघा पल़ी सान्ह, तेखअ भैई राच, इहअ करै हुई छ़हुई धैल़ी।
किल्हैकि तूह बिधाता आसा धर्मीं अर झणैल़ू,
तूह खोज़ा पापी मणछा का कि किहअ लागा तेरी बाता हांढणअ।
पर मुल्है आसा ताह बिधाता नेल़ रहणअ ई भलअ,
मेरी शरण लणें ज़ैगा आसा तूह ई मेरअ मालक,
ज़ुंण तंऐं मुल्है किअ, तिंयां गल्ला खोज़णीं मुंह सोभी का।
हे बिधाता, ए परम प्रधान परमेशर, तेरअ शूकर करनअ अर
तेरी ज़ै-ज़ैकार करना लै भज़न बोल़णअ भाल़ किहअ भलअ आसा!
दोत्ती लागा तेरी अटल़ झ़ूरीए बारै खोज़णेंओ च़ाअ अर
राची इहअ कि तूह भाल़ किहअ भरोस्सैमंद आसा।
मुंह करनी तेरी दस तारा आल़ै साज़ अर
बींन बाज़ी करै ज़ै-ज़ैकार।
बिधाता आसा भलअ अर सह झ़ूरा हाम्हां लै सदा,
तेऊओ सत्त रहणअ पोस्ती दर पोस्ती।
सह भाल़ केही शोभली अर भली गल्ल आसा कि
बिधाते परज़ा रहा आप्पू मांझ़ै मिल़ी-ज़ुल़ी करै।
मेरी शिक्षा करै हणीं तम्हां उझै
एता डाहै तम्हैं आद।
ज़ै मोक्कै दी राम्बल़अ ज़बाब दैनअ,
तेता करै हआ सोभ लोग खुश।
लान्हैंओ, मखीरा लागा खांदै, सह हआ बधिया,
तेते काशणीं च़ाबणें बी लागा खाखा मिठ।
तेही ई आसा अक्ल बी थारी आत्मां लै मिठी।
ज़ै तम्हां अक्ल भेटे, तै हणीं आजू थारी प्रैश्शी ज़िन्दगी
अर नां थारी आशा चुटणीं।
माया संघै लोल़ी खास्सी अक्ल हुई, ज़िन्दगी ज़िऊंणां लै दैआ ईंयां दुहै च़िज़ा नफअ।
बिधाता आसा तिन्नां लै भलअ ज़ुंण तेऊए आसरै रहा,
मणछा लै भलअ आसा इहअ ई कि सह बिधाते आसरै रहे,
अर च़ुपच़ाप रही न्हैल़अ रहे, किल्हैकि तेऊ हेरनै बच़ाऊई।
ओ मणछो! मंऐं परमेशर बिधाता आसा तम्हां का खोज़ी हेरअ द कि भलअ किज़ै आसा अर किज़ै आसा बूरअ, ‘हुंह च़ाहा इहअ कि तम्हैं धर्मीं अर झणैल़ू होए अर मानदार रही ज़िहअ हुंह थारअ परमेशर बोले तेही ज़िन्दगी ज़िऊए।’"
इहअ करै लागा हाम्हां का थोघ कि परमेशरै ज़ुंण बधान मोसा गूरा का दैनअ त सह आसा पबित्र। ज़ुंण बी परमेशरै हाम्हां लै हुकम दैनै तिंयां बी आसा पबित्र, भलै अर नर्दोश।
एऊ संसारे मणछा ज़िहै निं हआ, थारै मन्नां बदल़णैं संघै लोल़ी थारअ च़ाल-च़लण इहअ ठीक हुअ ज़िहअ परमेशर च़ाहा। ताकि तम्हैं इहै काम करे ज़ुंण ज़ेता करै परमेशर खुश हअ अर ज़ुंण काम भलै अर सिध्द आसा।
ज़ै किज़ै इहअ होए ज़ेता लै तूह आपणैं साबै इहअ समझ़ा कि अह आसा भलअ पर तेता करै तेरअ साथी-भाई विश्वासा का दूर होए, एता लै आसा इहअ ई ठीक कि तूह निं तेता करी ताकि होर हाम्हां लै दोश नां लाए।
ऐबै करा हुंह तम्हां सोभी का एही अरज़ कि सोभी मणछा लै करनी प्राथणां। परमेशरा का करनी एही प्राथणां कि तिन्नें मज़त करे। राज़ै अर सोभी बडी पदबी आल़ै लै करनी एते तैणीं अरज़ कि तिंयां हाम्हां शांती दी रहणैं दैए अर म्हारी फाज़त करे, ताकि हाम्हैं परमेशरे च़ाकरी करी सके अर म्हारअ लोल़ी सोभी संघै भलअ बभार हुअ। इहअ लागा म्हारै उद्धार करनै आल़ै परमेशरा शोभलअ अर भाऊंआ बी।
किल्हैकि परमेशरै बणाईं दी हर च़िज़ा आसा भली। हाम्हैं सका सोभी रंगे खाणैं पिणें च़िज़ा खाई पर परमेशरो शूकर करनअ ज़रूरी।
किल्हैकि सह हआ परमेशरे बैण अर प्राथणां करै खाणां लै शुचअ।
किल्हैकि हरेक शोभलअ बरदान अर हरेक शुचअ दान एछा म्हारै बाब परमेशरा का ज़ुंणी सरगे सोभै प्रैश्शै दैणैं आल़ै तारै बणाऐं। सह निं बदल़दअ अर नां फेर फिरी करै छ़ैल्ली ज़िहअ एछदअ डेऊंदअ रहंदअ। परमेशर आसा हर बगत भलअ।
लूंण आसा ठीक पर ज़ै लूंणो सुआद लूंणअ नांईं होए, तै सह किज़ू करै करनअ लूंणअ? आप्पू मांझ़ै रहा लूंणा ज़ेही साथ डाही मेल़-ज़ोल़।"