6 Ta nkpo oso, biwolaa SAATE nwu di obe wɔ bibanyɔɔ ni;

bilɛɛ nwɔ di obe wɔ ɛɛtɛɛtɛɛ ni.

6 Ta nkpo oso, biwolaa SAATE nwu di obe wɔ bibanyɔɔ ni;

bilɛɛ nwɔ di obe wɔ ɛɛtɛɛtɛɛ ni.

1 "Ladiki suoto nii lata mba ninankaalɛ mi ni disi;

mba ninoowalaa mi ni lanyɛɛ.

Latɔkɔ kale ka nintalɛɛ mi ni leyooto

nlɛ, ‘Nnyɛɛ, nnyɛɛ.’

29 Nnwɔɔ ninkpee mba ditoobuo ni osie

ankpee kafɔɔ mba ninaa ni osie ɔnyɛɛ ankyakaa.

30 Bia bakosopo nnu dibuo ɔnyɛɛ nloo ma,

basuɔtɔ kuntu, kuntu kafɔɔ ntuula manɔɔ;

31 kafɔɔ mba nietika ni SAATE nwu disi

kamawɛ osie fɔle lɛma.

babayila afoko fɔle fɛ klikpo;

babatoso dilababuo ma kafɔɔ,

babakyɛ kafɔɔ ɔnyɛɛ dilabaloo ma.

11 Biwolaa SAATE nwu ku osie nɔɔ;

biwolaa anu nɔɔ obe lele.

11 Biwolaa SAATE nwu ku osie nɔɔ;

biwolaa anu nɔɔ obe lele.

9 "Ni afɔ, obisuɔtɔbi nii Solomon, tofo teefɔ Yaa nwu, faayɔ okyiini fasumu nwɔ kafɔɔ ku otu lɛfɔ omuu ku disibu le niɛyɔ nwu ni ole, diekye SAATE nwu nnyunyuu otu biala kamɛ antofo kafɔɔ otii disibu biala. Nse feewolaa nwɔ yi, fabanyɔɔ; kafɔɔ nse feediɛ nwɔ nnɛɛ, abasĩ fɔ dinaa ni kaloo.

14 nse batii nii ba manlɛɛ ni ku leyooto nii, kamawakosa suoto lɛma kasɔ mampɛ ɔlaa kafɔɔ manwolaa anu nii, mankyi di asiosie sisuku lɛma nwu yi, ni kamanu nkyeko osi, n-yɔ kafɔɔ sikpile lɛma nkyɛ ma, n-yɔɔsa kafɔɔ kasɔ lɛma nwu ofiɛ.

2 Ni aadie aakyɛ aalaakyakako Asa aatɔkɔ nwɔ alɛ, "Bikyɔɔ mi atoko, Asa ku Yuda ku Benyamin omuu. SAATE nwu nsiko ye di obe wɔ bisi ni ku nnwɔɔ. Nse biewolaa nwɔ, bibanyɔɔ, kafɔɔ nse biesĩ nwɔ yi, abasĩ ye.

1 Yaa Ninwuna labuo di Oded obisuɔtɔbi Asaria suoto. 2 Ni aadie aakyɛ aalaakyakako Asa aatɔkɔ nwɔ alɛ, "Bikyɔɔ mi atoko, Asa ku Yuda ku Benyamin omuu. SAATE nwu nsiko ye di obe wɔ bisi ni ku nnwɔɔ. Nse biewolaa nwɔ, bibanyɔɔ, kafɔɔ nse biesĩ nwɔ yi, abasĩ ye. 3 Ditɔɔklɛ di Israel ditawɛ ni Yaa omuomu, batawɛ oletatɛ wɔ nikatuo ma ni asaa, batawɛ kufiofa kafɔɔ. 4 Kafɔɔ di nimiina lɛma kamɛ yi, baamunikĩi baawa SAATE nwu nfũ, Israel Yaa nwu, baawolaa nwɔ, ni baanyɔɔ kafɔɔ nɛ. 5 Di obe nwu kamɛ yi, falaafuo osuku ɔkyɛ okyikyii di atoko ɔkyɛ ole kamɛ, diekye batii ba bamuu niasiɛ ni di kasɔ nwu suoto lasiɛ di amumu kplɛ ɔbla kamɛ. 6 Kale kanwii ntaka di kale bamba suoto, okpoo kplɛ kafɔɔ ntaka di okpoo kplɛ bamba suoto, diekye Yaa latookpee ma kubuɛ ku amiina ateate biala. 7 Kafɔɔ aye yi, biwɛ osie, bitanta disi, diekye babata ye letota di ɔkpɛ wɔ biɔbla ni suoto."

8 Obe wɔ di Asa lanu ni sɛlaa se mmle ku Oded obisuɔtɔbi ɔlabuɛtɛtɛ Aseria ɔlaa obuɛ ɔtɛ nwu yi, aawɛ otu. Aakpakpaa ayududusaa afiɔtii nwu di Yuda ku Benyamin kasɔ kamuu ku sekpoo se aafũ ni di Efraim akpenkpe kamɛ. Asa lalolaa SAATE nwu oleɔta akyikye ya niayila ni di SAATE nwu olekatakɔ lɛkpata sitũ.

9 Ninfɛ di Asa lasiisa Yuda ku Benyamin omuu ku batii ba niakye ni Efraim, Manase ku Simeon ba nintɔɔwa basi ni kaamɛ lɛma nɛ. Diekye batii kpinwu lakye Israel baawa ɔkyɛ nɔɔ di obe wɔ baanya alɛ SAATE Yaa nsiko nwɔ nii.

10 Baasi di Yerusalem di Asa sɛka olebee lefosi lɛlɛɛ nɔnle di kɔwɛntɛ tiɛfa kamɛ. 11 Di obe nwu kamɛ baayɔ banankyue nkpe alafa-akuɛnsĩ, bafoso ku batie nkpe-nkuɛnsĩ ba baakyeko kakpɛ kamɛ asaa ya baayɔ baawako ni baata ole baata SAATE nwu. 12 Baabla kanya ninii kanwii alɛ boowolaa SAATE nwu, bate lɛma Yaa nwu, ku otu lɛma ku ɔkla lɛma omuu. 13 Batii bamuu ba ninamawolaa ni SAATE Israel Yaa nwu yi, babalo ma, obisɔ ee ɔnɔɔfo, osuɔtɔ ee ɔsanko. 14 Ni baaka ntam baata SAATE nwu, ku sɛlɔ siene ku kudu oyiisa ku akyukyoo ku babɔkɛɛ akya nɛ. 15 Yuda omuu lanya suoto lɛyɔɔ di ntam nwu ɔka suoto, diekye baaka mi ku otu lɛma omuu. Baawolaa Yaa osie kanya, ni baanyɔɔ nɛ. Nioso SAATE nwu lata ma ɔnyɛɛ ɔtɛ di ɔfankyi biala.

16 Ɔka Asa latakatɛ ɔwa nɔɔ sanko Maaka di lekpomii nɔɔ fɛ ɔkasanko, ta aabla ni afiɔ-sanko ya bɔɔlɛɛ ni Asera owoso diyududusaa oso. Asa labudi owoso nwu aatɛ kaasɔ, ni aabubudi nwu aakpee di ɔtɔ aafiɛ di Kidron Ɔtaata nɛ. 17 Nu atakpakpaa ntakalekɔ nwu di Israel yi, Asa otu omuu latika di SAATE nwu suoto di nkpa nɔɔ osiɛ mmuu kamɛ. 18 Ni aayɔ koto fututu ku koto sɛɛle ku awansaa ya di nnwɔɔ ku ote ladiki ni kayi aawako di Yaa olekatakɔ nɛ.

19 Kakpɛ kukanwii ditasinwɛ dialaase di ɔka Asa sɛka olebee alɛɛ afosi-atiɛ-lɛnɔnle kamɛ.

13 Bibawolaa mi, min-nyɛɛ kafɔɔ, nse biewolaa mi ku otu lee omuu.

13 Bibawolaa mi, min-nyɛɛ kafɔɔ, nse biewolaa mi ku otu lee omuu.

29 SAATE nwu niebuɛ alɛ, "Diele ote di ɔlaa nii nte fɛle ɔtɔ, kute ni kafɔɔ fɛle ɔmankyĩ wɔ nimbibiɛ ni afuɔnkpaa wɛkyɛwɛkyɛ?

29 Kafɔɔ nfa nkpo, nse biemiɛ SAATE Yaa lee, bibanyɔɔ, nse biewolaa nwɔ ku otu lee omuu ku ɔkla lee omuu.

2 Suoto siyɔɔ mba niemufũ sɛlaa nɔɔ bakle ni

manwolaa nwɔ ni kafɔɔ ku situ lɛma simuu.

2 Suoto siyɔɔ mba niemufũ sɛlaa nɔɔ bakle ni

manwolaa nwɔ ni kafɔɔ ku situ lɛma simuu.

10 Nwolaa fɔ ku otu nii omuu;

tantɛɛ lakpukuti di afiofa lɛfɔ suoto.

28 Ditoobuo ɔkla nii ku sɛnyaami owi;

kpee mi osie di ɔlaa lɛfɔ nwu kanya.

45 Kamakyɛ nkyi di atoko ɔkyɛ ole kamɛ,

diekye ntootikanko asaa otuo lɛfɔ nwu.

4 Bitika Saate nwu ku osie nɔɔ disi;

biwolaa anu nɔɔ obe lele.

4 Bitika Saate nwu ku osie nɔɔ disi;

biwolaa anu nɔɔ obe lele.

8 Otu nii mbuɛ di suoto lɛfɔ alɛ, "Wolaa anu nɔɔ!"

Saate, anu lɛfɔ mawolaa.

1 O Yaa, afɔ ninle Yaa nii,

kowolaa fɔ osie kanya;

otukɔnsɔ nkle ɔkla nii di suoto lɛfɔ,

suoto nii kowolaa fɔ,

di kasɔ kosole ku kasɔ ka nintookpi ni

di lɛba le di ntu nnaa nii.

10 Batii ba nin-ye ni leyooto lɛfɔ matika fɔ disi,

diekye afɔ, Saate, diidii fadiyee batii ba ninwolaa fɔ nii.

10 Batii ba nin-ye ni leyooto lɛfɔ matika fɔ disi,

diekye afɔ, Saate, diidii fadiyee batii ba ninwolaa fɔ nii.

4 Lalɛɛ Saate nwu, ni aatuna mi nɛ;

aadiki mi aakyeko lɛyɛkɛ nii nimuu kamɛ.

10 Kɔka mafuo bakyata oklee mambla kpiɛkpiɛ,

kafɔɔ batii ba ninwolaa ni Saate nwu yi, lɛsaa biene kuninwii ninfĩ ma.

4 Ta suoto siyɔɔ fɔ di Saate nwu kamɛ,

ni abata fɔ otu lɛfɔ kamɛ dibiesaa.

2 Saate nwu nkpe di osi ɔɔnya

batii babisuɔtɔbi nwu

alɛ oonyu nse otii owo konu kasɔ,

owo oowolaa ni Yaa.

1 O Saate, fatoowolaa mi kamɛ

feetofo mi kafɔɔ.

2 Faye obe wɔ ninsiɛ ni, ku obe wɔ nintaka nii;

faye disibu nii di kakyonkɔ.

5 Nnwɔɔ nimafũ lɛyɔɔ ankyeko Saate nwu nfũ

ku lɛbɛ ankyeko Yaa, dikitɛ nɔɔ nfũ nɛ.

6 Nkpo ninle ana ya ninwolaa nwɔ ni,

manwolaa ni Yakob Yaa anu nɛ. Yila kɛɛkɛ

8 Dilɛ alɛ faataniko Saate nwu

ninlenke alɛ faatika anu di otii suoto.

9 Dilɛ alɛ faataniko Saate nwu

ninlenkee alɛ faatika disi di banɔɔfotii babi suoto.