5 Awala iwokala kwa kuwinza ulukuli, mbutsi tsawo tsolongotsighwa na aghala gholubama lukuli. Lekeni awala iwokala kwa kumuwinza Ghumuhe Mwenzeluka, mbutsi tsawo tsolongotsighwa na aghala ghoyobama Ghumuhe. 6 Kwaapfila mbutsi itsilongotsighwa na lukuli lune nzambi tsoghala lifwa, lekeni mbutsi itsilongotsighwa na Ghumuhe tsoghala ughima na tindiwalo. 7 Imunu ang’apfikitsa mbuli itsibama lukuli lwake luliheka, ayo kakuwa mwihile we Imulungu, kwaapfila ng’okinda bae mbuli ye Imulungu, na ng’odaha bae kuikinda. 8 Awala iwolongotsighwa na lukuli lune nzambi ng’awodaha bae kumnogheletsa Imulungu.

9 Lekeni mwemwe, Ghumuhe we Imulungu ang’akala mghati mwenu, ng’amlongotsighwa bae na lukuli, ila mwolongotsighwa ne Ghumuhe. Ka imunu wowose kahela Ghumuhe wa Kiristu, ayo si munu wa Kiristu bae.

1 Apfo kuduhu ukuhighighwa kwa awala iwali mghati mwa Kiristu Yesu. 2 Kwaapfila kubitila Kiristu Yesu, mbuli ye Ghumuhe we ughima inikombola kulawa mna mbuli ya nzambi na lifwa. 3 Imulungu katenda achila ing’achidahika bae kutendeka na Malaghitso gha Musa mana lukuli lune nzambi lwahela ingupfu. Imulungu kamtuma Imwanaghe nyalimwe yane lukuli ka ng’uli tsetu twetwe tune nzambi ili awe nambiko ya nzambi, apfo kahigha nzambi kwa lukuli alwo. 4 Imulungu katenda apfo ili ukuhighighwa ikubamighwa na Malaghitso kutimile mghati mwetu, twetwe itukala kwa ngupfu tsa Ghumuhe Mwenzeluka, na si kwa ngupfu tsa lukuli lune nzambi.

13 Kwaapfila mng’akala ka ng’uli pfatsibama, mtsakufa ghendo. Lekeni ka kubitila Ghumuhe mwoghakoma aghala ghehile ighatendighwe na lukuli, mtsokala waghima. 14 Mana awala wose iwolongotsighwa na Ghumuhe we Imulungu awo iwo iwana wa Imulungu.

21 Apfo nitanga chinu chino, hanibama kutenda ghanoghile, ghehile nagho ghabaho. 22 Lekeni mghati mwangu ghendo noghadeng’elela ghamalaghitso gha Imulungu. 23 Lekeni nakona mbuli ingi iisang’ana mlukuli mwangu. Mbuli ayo yesonga na mbuli iitogholighwa ne mbutsi tsangu. Mbuli ayo yonenda niwe mtumwa wa mbuli tsa nzambi itsisang’ana mlukuli mwangu.

5 Hatung’ali twokala kuno twolongotsighwa na lukuli, dong’o tsa lukuli tsatsisongesighwa ne ghamalaghitso, tsisang’ana mne ng’uli tsetu, na ghose ghatutendile ghamalila mne lifwa.

6 Ichelekighwe kwa lukuli acho lukuli, na ichelekighwe kwa Iloho Yelile acho loho.

63 Iloho ya Imulungu iyo ighela ugima, ilukuli ng’alughetsa chinu baye. Imbuli yaniwalongele iyo iloho, na iyo ugima.

16 Lelo nolonga pfino, mlekeni Ghumuhe we Imulungu yalongotse ughima wenu, namwe ng’amtsotimitsa soyoka tse nzambi itsili mghati mwenu.

19 Ghamatendo ghe soyoka tse nzambi ghomanyika ghendo, utsinzi na wihi na uweghe na 20 kutamanila milungu ya ughutsu na uhawi na unebe na ughobo na chepfu na maya na ubwa na fitina na makingili na uchongetsi na 21 husuda na ukupatika na tsoyoka na ipfinu pfimwenga ipfighala na apfo. Nomkanyeni ka pfanongole kuwakanya, iwanu iwotenda agho ng’awatsohala bae undewa we Imulungu.

24 Na iwanu wa Kiristu Yesu waghakoma ghamawatso ghawo na soyoka tsawo tsihile itsikalile mghati mwawo.

13 Mwemwe ndughu tsangu tsamkemighwa ili mleke kuwa watumwa, lekeni chinu acho chileke kuweng’a uleghelo wa kutenda chochose chambama, ila mwitumikile kwa unoghelo.

8 Mana imunu iyohanda kwa soyoka tsihile itsili mghati mwake, katsopfuna ukuhinyighwa, ila iyohanda kwa Ghumuhe, katsopfuna ughima wa ghamatsuwa ghose kulawa kwa Ghumuhe.

16 Mana ipfinu pfose ipfili muisi, tsitamaa tsa lukuli na tsitamaa tsa tsinenge na ukwighoda ikughalighwa ne pfinu pfalinapfo imunu na pfatendile, apfo pfose ng’apfilawa kwa Aba bae, ila pfolawa muisi.

11 Mne ukwilunga na Kiristu mwemwe mwingila ngoma kwa kuutsula unu wa nzambi, lekeni si ukwingila ngoma ikutendighwa ne iwanu, ila ikutendighwa ne Kiristu imwenyegho.

41 "Mkale meso, mlombe ili mleke kwingila mne maghetso, ghumoyo ghwobama, lekeni lukuli lwahela ingupfu."

50 Ndughu tsangu chonilonga hano chicho chino, lukuli lwe imunu ng’aludaha bae kuhala Undewa we Imulungu, wala aghala ighohinyika ng’aghodaha bae kuleka ukuhinyika.