5 Mwanjaa balu' babatama kwa kwikoleya yi’ga, batawalilwa na maminyikio ga kiyi’ga. Lakini balu' babatama kwa kunkoleya Loo Mpeleteu batawalilwa na maminyikio ga Loo. 6 Manaitei maganio ginu kagalongoyelwa kiyi’ga galeta kiwo, ila mana maganio ginu kagalongoyelwa na Loo Mpeleteu galeta ukoto na amani. 7 Kwa mwanjaa maganio gagalongoyelwa na ukigopi wa kiyi’ga, nga nndumu wa Nnu’ngu', kwa kitumbu gaiyu’wali salya ya Nnu’ngu' na wala gakombwali kwiyu’wa. 8 Kwa nyo babatawalilwa na ukigopi wa kiyi’ga bakombwali kumpulaisa Nnu’ngu'.

9 Lakini mwenga mutawalilwali na mwaipala yi’ga ila Loo Mpeleteu, manaitei Loo wa Nnu’ngu' katama nkati yinu. Ywoywoti ywangali Loo wa Kilisitu, aywo ywa Kilisitu lili.

1 Bai, nambi’yambi' ntu’pu' ukumu ya kiwo kwa mundu ywoywoti ywa Kilisitu Yesu. 2 Kwa mwanjaa makakala ga Loo gagaleta ukoti kwa ndi’la ya Kilisitu Yesu gammi’kite ulu kuutalu na makakala ga sambi na kiwo. 3 Nnu’ngu' aalipangite likowe li’lu' lyangaliwesekana pangilwa na salya kwa kitumbu sa ukigopi wa kiyi’ga. Nnu’ngu' aantumike Mwana wake abile na yi’ga nsawani na yi’ga yitu twabene sambi, li’nga apiye yi’ga yake panga salaka kwa kitumbu so bu’ya masambi gitu. Kwo panga nyo Nnu’ngu' aaipwati sambi muyi’ga ya Kilisitu. 4 Nnu’ngu' aapangite nnya li’nga aki yaipatikana musalya itimi nkati yitu twenga twatukotoka tama kwa kwikoleya yi’ga, ila kwa kwikoleya Loo.

13 Kwa mwanjaa mana mwatama kwa kugakoleya maminyikio ga yi’ga mwalu’a waa, lakini mana mwaibulaga yendo ya maminyikio ga yi’ga kwa Loo, mwalu’a lama. 14 Boti babayi’ki’tya longoyelwa na Loo wa Nnu’ngu', nga bana ba Nnu’ngu'.

21 Kwa nyo nikwipwi panga, mana kanipala panga kikowe kinogau, niutilwa na makakala go panga kikowe kilau. 22 Mumwoyo wangu' ninapusika kwikota salya ya Nnu’ngu'. 23 Lakini nikwipwi panga kubile na makakala gi’ngi' gagapanga kasi nkati yangu', nagembe gabile mungondo kagaku’mbwana na malango gangu'. Makakala ago gi’ngi' nga ga utawala wa sambi gaganiboywa na kunipanga nammanda wa sambi.

5 Apo kwai’mbu' twaatawalilwe na ukigopi wa kimundu. Salya yaatupangite tuminyikiye panga sambi, na maminyikiyo go ga sambi gatawalite yi’ga yitu, na galu' gaatuleti kiwo sa kiloo.

6 Sakibelekwa na mundu sa yi’ga, sakibelekwa na Loo, sa Loo.

63 Loo wa Nnu’ngu' nga ywaleta ukoto, yi’ga ipwaikali. Makowe ga ganimmakiye nga Loo na ukoto.

16 Bai, iyendo yinu ilongoyelwe na Loo Mpeleteu, na mwenga mwalu’a kugakoleyali maminyikiyo ga yi’ga.

19 Bai, iyendo ya kiyi’ga kwa mpu’la nga yi’no, upege, usapu, makowe goti ga oni, 20 kilikitya inyago, bwabi', undumu, bulwe, bwigu, nyongo, bwimi, mitau, malekangano, 21 sukya, ubulagi, lobya, mila, na makowe gi’ngi' gagalandana na ago. Nendakunkwi’li’kanga kati mwanankwi’like patumbu panga, bandu babapanga makowe kati go baaulisili ukulungwa wa Nnu’ngu'.

24 Boti bababile ba Kilisitu baibambiye ali yabe ya dunia pamope na maminyikiyo gake maakau.

13 Mwaalongo bangu', mwenga mwaakemilwe na Nnu’ngu' li’nga mube mwangwana, bai kanemuutumi ungwana wo kwa kugakoleya maminyikiyo ga yi’ga, ila muyangatiane kwa upendo.

8 Ywapanda mumaminyikiyo ga yi’ga yake, aauna maakau muyi’ga yake, lakini ywapanda mwapala Loo Mpeleteu, aauna ukoti wangayomoka bu’ka kwa Loo.

16 Kwa mwanjaa kila kili’be sakibile mudunia, kati maminyikiyo ga payi’ga, maminyikiyo ga minyo, kwipuna mumaisa, ago goti gabu’kali kwa Tati', ila gabu’ka mudunia.

11 Mwainilwe mu Kilisitu kwenda kwa maboko ga kimunduli, ila kwa ndi’la yo ula yi’ga yinu ya sambi.

41 Mukeleke na mulu’be li’nga mwaakane yingya mumapayilwo, kwa mwanjaa, loo yinu ipala panga makowe manogau, lakini yi’ga yinu nga kigopi."

50 Mwaalongo bangu', nibaya panga yi’ga na myai ikombwali yingya muukulungwa wa Nnu’ngu', na so alabika kikombwali yingya muukoti wangayomoka.