5 Maana bhenibhala bhabhatamanga kwa kuhikagulanga hikubho ya mmele bhatendakuganikianga hikubho ya mmele, ila bhenibhala bhabhahikagula Mboomo bhatendakuganikianga hikubho ya Mboomo ja Annoongo. 6 Kuganikia kukutandaikwa na mmele kuleta malilo, ila kuganikia kukutandaikwa na Mboomo kuleta umomi gwa machobha goa na kutongamanika. 7 Konikola kutandaikwa na kuganikia chimmele kutenda kupwatilana na Annoongo, na kwa kubhee kuganikia konokwe ngajeketela Malagilo ga Annoongo, wala ngakombola kujeketela. 8 Bhenibhala bhandu bhabhakagula hikubho ya mmele gwa mabohu, ngakombolanga kwaabhajila Annoongo.

9 Nambo mwangota ngatama kwa kugakagula gagapalikwa na mmele, nambo kujaulilana na gagapalikwa na Mboomo, tutendakutandaikwa na Mboomo ja Annoongo tu atama nkati jinunji. Henela mundu joajola jwabhiiopo na Mboomo ja Akilisito, jonojwe ngabha jwa Akilisito.

1 Henela, nangocheni Annoongo ngahukumulanga bhandu bhenibhala yakubhee mu umomi gwabhenji bhatekulondanika kupetela Kilisito Ayesu. 2 Kwa kubhee Malagilo ga Mboomo ja Annoongo gagaleta umomi mu kulondekana na Akilisito Yesu tekunekelela kubhoka mu Malagilo ga mabohu gagaleta malilo. 3 Annoongo atekutenda chenichela chikubho chakubhee Malagilo ga Amusa gangakombola kupangana, ligongo lya umundu gwitu gwangali machili, Annoongo akaatuma Mwana jwabhe kongo abhi na mmele handa twenga chitubhile ili kwa mmele gwabhe gonogwe atekubhee chadaka ja kutubhokea mabohu gitu, 4 Annoongo akapangana henela ili tukombole kupangana genigala gagalagikwa na Malagilo, kwa kujihobhalela Mboomo jwa Annoongo nambo kwa kulupalila mimele jitu.

13 Kwa kubhee handa mpakutama kutenda handa mimele jinunji chiipala, kweli mpakujomokanga, nambo handa mpakulekanga hikubho hibohu ya mmele kwa Mboomo ja Annoongo, penapo mpakulamanga. 14 Bhandu bhoa bhabhalongolelwa na Mboomo ja Annoongo bhenabho nga bhana bha Annoongo.

21 Bahi, ndekumanya penipala pambala kupangana chikubho chammbone, chikubho chichibhii chibohu nga chindenda kuagula. 22 Malagilo ga Annoongo ndendakugapala kwa ntima gwangu goa. 23 Nambo ndekumanya kubhee nkati jangu kubhii na Malagilo gangi gagapwatilana na kuganikia kwangu kwammbone, Malagilo genago gandenda nenga kubhee abhanda bha mabohu mu mmele gwangu.

5 Patukibha tutenda kutama handa chibhatamanga bhandu, kulikola kubohu kukajambukiwa na Malagilo kukatenda lihengo mu mmele jitu, na tukatenda hikubho hiitupeleka kujomoka.

6 Mundu babhelekwa kwa mmele kwa atati na anyongo bhabhe, nambo mundu bhabhelekwa kwa mboomo kupetela Mboomo ja Annoongo.

63 Mboomo jwa Annoongo nga jwampekea mundu umomi, mmele ngakombola kutenda choachela. Malobhe gananlobholilinge nga Mboomo jwa Annoongo na jijileta umomi.

16 Bahi, nongela henela, kutama kwiununji kutandaikwe na Mboomo jwa Annoongo, na mwangota nkotokukagulanga kulokolilwa kwa mimele jinu kuntekubhelekwa nako.

19 Bahi, hikubho hiibhokana nakulokolilwa kubohu kwa mmele nga, ngongola, ulolohi, uhakwa, 20 kuchalila hidimu, uhabhi, upwati, bhulwa, bwihu, lilaka, hilema, mataukano, mpwato 21 lilaka, kolelwa, kulyee muno na hikubho yengi handa yeneyo. Ndendakunyamukanga handa chindekulongolela kunnyamukanga, bhandu bhabhatendanga hikubho heyo ngapatanga umwenye gwa Annoongo gubhee gwabhenji.

24 Bhenibhala bhabhabhilinge bhandu bha Akilisito bhatekubhamba kulokolila kwabhennji kwa mimele jabhenji pamo na kuganikila kwabhenji kubohu.

13 Mwangota akanung'una, nkakemwanga na Annoongo ili nnekanilwe kubhoka ku ubhanda. Nambo kulekenilwa kwitu kulokolila kwinunji, ila ntumikilanange kwa upaliho.

8 Jwaapangana handa mmele gwabhe chigupala, apakuhuna mabohu, na jonojwe jwaapangana hikubho hiibhajilwa Mboomo jwa Annoongo apakupata umomi gwa machobha goa pangali kupela.

41 Ncheange na mwajope Annoongo nkotokujingilanga mmalengelo. Mboomo jitenda kupala nambo mmele gwangamachili."

50 Bahi akaanung'una bhangu, ndendakulongela henela, chenichela chichitenditwe kwa mmele na miyai ngakombola kuchikichana umwenye gwa Annoongo, na mmele gwa kuhalibika ngakombola kubhee mmele gwangahalibhika.