10 किजोकि तेरे अंगन्न मां अक दिहाड़ी कही हज़ार दिहैड़ी करां जादे रोड़ीए।

दुष्टां केरे डेरन मां राने करां रोड़ूए।

अपने परमेशरेरे भवनेरे दारे पुड़ खड़ू रानू मीं जादे पसंद एइते।

4 अक बर मीं यहोवा करां मगोरूए,

तैसेरे लेई कोशिश केरतो रेइलो;

कि अवं ज़िन्दगी भर यहोवारे भवने मां रेईं सेकी

ज़ैस सेइं यहोवारी महिमा पुड़ नज़र लेइतां रेखी,

ते तैसेरे भवने मां ध्यान केरतो रेईं।✝

4 केत्रो धने तै, ज़ैस तू च़ुनतां अपने नेड़े एजने देतस,

कि तै तेरे भवनेरे अंगन्न मां राए!

अस तेरे भवनेरे, मतलब तेरे पवित्र मन्दरेरी रोड़ी-रोड़ी चीज़न सेइं रज़्ज़म।

1 ज़ैखन लोकेईं* मीं सेइं ज़ोवं, "एज्जा, अस यहोवारे भवने जो च़लम,"

तैखन अवं बड़ो खुशी भोव।

6 पक्‍की भलियाई ते करुणा सैरी उमरी

मीं सेइं साथी-साथी राहेली;

ते अवं हमेशा यहोवारे घरे मां रेइलो।

8 पन अवं परमेशरेरे घरे मां ज़ैतूनेरे

नीले बुट्टेरो ज़ेरो आईं।

मीं हमेशारे लेई परमेशरेरी दयाई

पुड़ भरोसो रखोरोए।

9 किजोकि, अवं तेरे भवनेरे लेई फुकोते-फुकोते भस्म भोइ जेव,

ते ज़ैना तुहीन तैना तेरी केरतन, तैए तुहीन मीं बरदाश केरनी पेतीए।✝

12 यीशुए परमेशरेरे मन्दरेरे अंगने मां गेइतां, ज़ैना बुपारी बुपार केरते थिये सब तैट्ठां कढे, तैनी सुनारां केरि दुकान ते कबूतर बेच़ने बालां केरि ठारां ट्लोड़ी। 13 ते तैनी ज़ोवं, "लिखेरूए कि मेरे मन्दरे जो प्राथना केरनेरू घर ज़ोले, पन तुसेईं त ऐह डैकू केरो अड्डो बनेवरोए।"

13 ज़ेइस यहूदी लोकां केरू फ़सह तिहार नेड़े अऊं, त यीशु यरूशलेम नगरे जो च़लो जेव। 14 त तैड़ी मन्दरेरे अंगने मां तैनी (बलिदानेरे लेई) दांत, भैड्डां त कबूतर बेच़ने बाले लाहे त कने पेइंसे बदलने बाले भी अपने मेज़न पुड़ बिश्शोरे लाहे। 15 तैखन तैनी रेस्सरो अक कोड़ो बनेइतां, तैन्न सेब्भन त भैड्डां त दांत मन्दरे मरां बेइर कढे, त बुपारी केरे पेइंसे (इरां उरां) शारे, त तैन केरे मेज़ उलटाए। 16 त कबूतर बेच़नेबालन सेइं ज़ोवं, "इना इट्ठां नेइ गाथ! मेरे बाजी केरे मन्दरे बुपारी लोकां केरू घर न बनाथ!" 17 ज़ैखन तैसेरे चेलेईं एन शुनू, त तैन्न याद अऊं कि (परमेशरेरी किताबी मां) लिखेरूए कि (मसीहे परमेशरे सेइं ज़ोवं) "तेरे घरेरे लेई मेरी भक्ति, (हे परमेशर) मेरे अन्तर अग्गरी ज़ेरि ज़लतीए!"

19 कुन तुस न ज़ानथ, कि तुश्शी जान पवित्र आत्मारू मन्दरे; ज़ै तुसन मां आहे, ते तुसन परमेशरेरी तरफां मैल्होरोए? ते तुस अपने नईं पन तुस परमेशरेरे आथ;

15 अगर मीं एजने मां च़िर लगे, त तू ज़ानस, कि लोकेईं परमेशरेरे टब्बरेरे होरि लोकन सेइं केन्च़रे बर्ताव कियोरो लोड़े। इन टब्बर तैना लोकन सेइं बनोरू, ज़ैना यीशु पुड़ विश्वास केरतन ते ज़ींते परमेशरेरे कलीसियारेन। इना विश्वासी सच़्च़ी शिक्षाई मज़बूती सेइं मनतन ते सम्भालतन ज़ेन्च़रे बुनीयाद ते खम्भे इमारती सम्भालतन ते मज़बूत केरते।

6 पन मसीह मट्ठू भोनेरे वजाई सेइं परमेशरेरे लोकां केरू मुखतियारे, ते असां तैसेरे लोकम, शर्त एने कि असां तैस दिलेरी ते उमीदी मज़बूत रखम, ज़ैस पुड़ असां भरोसो केरतम।

44 "सुनसान ठारी मां इश्शे दादन पड़दादन कां गवाहेरो तेम्बु थियो, परमेशरे तै ठहराव ते तैनी मूसा सेइं ज़ोवं, ‘ज़ेन्च़रे तीं लाहेरूए तैसेरे मुताबिक बना।’ 45 बड़े सालना बाद तैए तेम्बु इश्शे दादे-पड़दादेईं यहोशू सेइं साथी इड़ी आनो, ज़ैस वक्ते तैनेईं गैर कौमन पुड़ अधिकार हासिल कियो, ज़ैना परमेशरे इश्शे दादे-पड़दादां केरे सामने कढे, ते तै तेम्बु दाऊद राज़ेरे वक्ते तगर राव। 46 दाऊदे पुड़ परमेशरे अनुग्रह कियो, ते तैनी मिन्नत की, कि अवं याकूबेरे परमेशरेरे लेई अक घर बनेइं। 47 पन तैसेरे मट्ठे सुलैमाने तैसेरेलेइ मन्दर बनाव। 48 पन परमप्रधान परमेशर हथ्थां केरे बनेवरे मन्दरन मां न राए, ज़ेन्च़रे यशायाह नेबेरे किताबी मां लिखेरूए,

49 ‘प्रभु ज़ोते, सुर्ग मेरो तखते,

ते ज़मीन मेरे पव्वां केरि चौकीए,

तुस फिरी मेरे लेई केरू ज़ेरू मन्दर बनाले?

ते मेरे आराम केरनेरी ठार केरही ज़ेरि भोल्ही?

50 कुन मीं एप्पू सैरी चीज़ां नईं बनेवरी?’

1 यहोवा एन ज़ोते, "अम्बर मेरो तखत ते धरती मेरे पव्वां केरि चौवकी आहे; तुसां मेरे लेई केरो ज़ेरो भवन बनाले, या ते मेरे आरामेरी कौन ज़ेरि ठार भोल्ही?✝ 2 यहोवा एन भी ज़ोते, एना सब चीज़ां मेरे हथ्थेरी बेनोरिन, एल्हेरेलेइ एना सब मेरी आन। पन अवं तैसेरे पासे नज़र केरेलो ज़ै दीन ते दुखी मनेरो भोए, ते मेरू वचन शुन्तां थरकतो भोए।✝

16 ज़ैखन याकूब निड्लारां बींझ़ो त तै एन लगो सोचने कि, "चाए ज़ैन किछ भी आहे, पन इस ठारी यहोवा ज़रूरे, पन मीं एल्हेरो कोई पतो न थियो।" 17 ते तै डेरि जेव, ते एन ज़ोने लगो, "कि ई ठार केत्री महिमाई सेइं भेरतांए, ई ठार यहोवा परमेशरेरे घरेरे अलावा होरि कौ भोइ सखचे? इन त सुर्गेरू फाटके।"