Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
तेरै बसेरै एकी धैल़ै रहणअ आसा
हज़ार साला ज़िऊंणै का बित्तअ,
कदुष्टे डेरै रहणैं का भलअ आसा मुल्है
तेरै दुआरे डेहल़ै बेशी रहणअ भलअ।
मंऐं मांगअ बिधाता का एक्कै बरदान,
हुंह च़ाहा सिधअ इहअ कि
मुंह रहणअ सारी ज़िन्दगी बिधाते घअरै,
ताकि हुंह तिधी कबल्ली बिधाते महान भलाई भाल़ूं
अर बिधाता का हर बगत सलाह मांगूं।
ज़ुंण तंऐं आसा छ़ांटै दै, तिन्नां लै दैआ तूह बर्गत,
तिन्नां दैआ तूह आपणीं पबित्र ज़ैगा बस्सणै।
हाम्हां करनी तेरै घअरै रही नंद,
तेरै पबित्र भबने बर्गता भेटणीं हाम्हां रज्ज़ी।
ज़ै-ज़ैकार करना लै गिह
मुंह हुई बेघै खास्सी खुशी ज़ांऊं मेरै साथी इहअ बोलअ,
"च़ाल्ला हाम्हां डेऊणअ बिधाते पबित्र भबना लै।"
अह गल्ल आसा पाक्की कि तूह झ़ूरा मुल्है अर ताह करनी मुल्है सदा झींण,
हे बिधाता, मुंह बस्सणअ तेरै घअरै सदा-सदा लै।
पर हुंह आसा इहै जैतूने बूटा ज़िहअ, ज़ुंण परमेशरे भबने खोल़ै आसा लागअ द,
हुंह करा तेऊए अटल़ झ़ूरी दी भरोस्सअ ज़ुंण मुंह संघै जुगै-जुगै तैणीं सदा रहणीं।
तेरै पबित्र भबना लै झ़ूरा हुंह इहअ कि मेरै दिलै हआ आग लागी दी,
हे परमेशर, ज़ेभै होर ताह बेइज़त करा, तेभै हआ हुंह बी शर्मिंदअ।
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
ईशू दरल़ाऊऐ परमेशरे भबना का बपारी
ईशू काढै परमेशरे भबनै डेऊई तिंयां सोभ बागा लै। ज़ुंण परमेशरे भबने ताटी ढब्बै-धेल्लै बदल़ी लैण-दैण करदै तै लागै दै। संघा पाई सर्फिए मेज़ अर पालल़ी अर भेडा बाकरी बेच़णैं आल़ेए थल़्ही ढोल़ी। ईशू बोलअ तिन्नां लै, "पबित्र शास्त्रा दी आसा लिखअ द, ‘मेरअ घअर हणअ प्राथणां करनैओ भबन पर तम्हैं मणछै बणाईं अह ज़ैगा बणाईं च़ोरा-डाकू बेशणेओ डुआर।’"
ईशू दरल़ाऊऐ परमेशरे भबना का बपारी
यहूदी मणछो ऊवार्णैओ थैर थिअ नेल़ अर ईशू डेऊअ एरुशलेम नगरी लै। तेऊ भाल़अ भबनै बल्द, भेडा-बाकरी, पालल़ी बेच़णैं आल़ै ढब्बै-धेल्लै बदल़ी लैण-दैण करनै आल़ै बपारी बेठै दै। ईशू राशीओ छिऊंटअ बणाअं अर भेडा-बाकरी, पालल़ी, बल्द दरल़ाऊऐ भबना का बागा लै। तिन्नें ढब्बै-धेल्लै छिंगै अर तिन्नें थल़्ही पाई ढोल़ी। पालल़ी आल़ै लै बोलअ, "इना काढा इधा का पोर्ही, मेरै बाब परमेशरे भबना निं बपारीओ घअर बणाआं।"
तेखअ फिरी तेऊए च़ेल्लै आद कि पबित्र शास्त्रा दी आसा लिखअ द, "तेरै पबित्र भबना लै झ़ूरा हुंह इहअ कि मेरै दिलै हआ आग लागी दी, हे परमेशर तेरै एऊ भबने तैणीं दैणैं मुंह आपणैं प्राण बी।"
तम्हां का आसा थोघ कि थारी देही आसा भबन ज़ेथ पबित्र आत्मां बस्सा ज़ुंण तम्हां लै परमेशरै आसा दैनी दी, थारअ मालक आसा परमेशर।
ज़ै मुंह एछणा लै बल़ैग बी पल़े, ताखा लोल़ी ऐहा गल्ले समझ़ हुई कि परमेशरे परिबारे होरी विश्वासी संघै किहअ बर्ताअ लागा करनअ। ऐहा टोली दी आसा तिंयां सोभै लोग ज़ुंण मसीहा दी विश्वास करा अर तिंयां सोभै आसा ज़िऊंदै परमेशरे। ईंयां विश्वासी करा मज़त अर ईंयां डाहा शुची शिक्षा पाक्की ज़िहअ घअरे आथरी अर थाम्ह घअरे मज़त करा अर पाक्कै डाहा टकैल़ी।
मसीहा आसा पूते रुपै परमेशरे घअरे सोभी लोगो सैणअ अर ज़ै हाम्हैं हिम्मत डाही करै आपणीं आशा दी खिरी तैणीं विश्वासा दी मज़बूत रहे तै आसा हाम्हैं तेऊए घअरे टबर।
"ज़धू म्हारै दाद-बाब रेगीस्तानै थिऐ, तिन्नैं किई परमेशरे च़ाकरी तेऊ खिम्भा दी ज़िधी परमेशर एछा त। सह रहैऊआ त ऐहा गल्ला कि परमेशर आसा तिन्नां संघै। तिन्नैं बणाअं सह खिम्भ ठीक तिहअ ज़िहअ परमेशरै आपणैं गूर मोसा लै खोज़अ त। अह खिम्भ त ठीक तेऊ ई साबै बणाअं द ज़ुंण परमेशरै मोसा का धारा प्रैंदै रहैऊअ त।
"सह ई खिम्भ आणअ म्हारै दादै-बाबै पराणैं ज़मानैं ज़ैहसू संघै इधा लै बी, ज़ेथ तिन्नैं तेऊ ज़मानैं होरी ज़ाती दी कबज़अ किअ त, ज़ुंण लोग परमेशरै म्हारै दादा-बाबे सेटा का दूर किऐ, अर सह रहअ राज़ै दाबेदे ज़मानैं तैणीं।
"तेऊ लै किई परमेशरै क्रिप्पा; तैही किई तेऊ अरज़ कि मुंह बणाणअं याकबे परमेशरा लै भबन।
"पर सुलैमानै बणाअं परमेशरा लै भबन।
"पर परम प्रधान परमेशरै निं हाथा करै बणाऐं दै भबनै रहंदअ, ज़िहअ कि परमेशरे गूरै ईशायाह आसा बोलअ द,
‘प्रभू बोला इहअ, "स्वर्ग आसा मेरी राज़गाद्दी अर
पृथूई आसा मेरै पैरा हेठे च़ौकी!
तम्हैं मुल्है किहअ घअर सका बणाईं?
सह कुंण ज़ैगा हणीं ज़िधी हुंह बस्सणअ?"’
"‘ईंयां सोभै गल्ला कै मंऐं आपणैं हाथै आप्पै निं आथी बणाईं दी?’
बिधाता करनअ देशा-देशो नसाफ
बिधाता बोला इहअ, "स्वर्ग आसा मेरी राज़गाद्दी, पृथूई आसा मेरै पैरा हेठे च़ौकी। तम्हैं मुल्है किहअ घअर सका बणाईं? सह कुंण ज़ैगा हणीं ज़िधी हुंह बस्सणअ? सारअ भ्रमंड आसा मंऐं बिधाता आपणैं हाथै बणाअं द! ईंयां सोभै च़िज़ा आसा मेरी ई! हुंह हआ तिन्नां मणछा का खुश ज़ुंण घमंड निं करदै, ज़ुंण बूरी गल्ले माल़ी च़ेता अर ज़ुंण मेरी डरा हेठै रही ज़िहअ हुंह बोला तिहअ ई करा।
संघा डेऊई तेभी याकबे नींज, सह उझ़ुअ खल़अ संघा लागअ आप्पू लै इहअ बोल्दअ, "बिधाता आसा ऐहा ज़ैगा, मुखा नांईं त भाल़ थोघै आथी।"
तेऊ फिरी डअर संघा लागअ इहअ बोल्दअ, "ऐहा ज़ैगा ता डरनअ लागा! अह ज़ैगा आसा पाक्कै दी बिधाते, अर स्वर्गे प्रऊल़ आसा हणीं इधी।"
Este artigo te tocou? Faça uma oração!
+581 estão orando agora.
Junte-se à corrente de oração.