Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
Na beikinnpi lungkhu nin kheit um tuh
ccangpaw hmin kya nin thong kheit
um laeze ahoyhua.
Pachia thuakaw ngawtu lang tang tuh
ccungccaw hoyleipaw inn lungkhu
um laeze ahoyhua.
Bawipaw kha uccaw ccangkheit ka ngiaku,
tuh-e tuh ka ccungkuh ung cih:
tuh-e tuh ka hiin lungkhu balyn
Bawipaw inn kya um khylan,
Bawipaw puithyanaw muih khylan te
amaw rynaw ccung khylan nynh thua.
Na voidu lungkhu um khylan
na po hae zah, na naesaku hae paw
ccungccaw hae tuh
lungtua hae paw nynh thua.
Athyaapaw na beikinn athuapaw
na inn kya-e ahoypaw
uccaw khate phe kae byn cih.
"Bawipaw inn lang cceih oh sih!" cite
he yn hopya vae hae ze ka lungtua.
Ka hiin lungkhu balyn
hoynaw te thawccinaw kha
ka ccou cih zah,
Bawipaw inn kya
ka hiinshe balyn ka um cih.
Thuasalama kae tuh Pachia inn kya-e
hinlalyhpaw oliv ku te nynh kae loku.
Pachia sungsahnaw atynpaw kha
zungzae te zungzae cia ka doliaku.
Na inn elang ka lungzuanaw nynh
kae kha phe yn ae;
nang ae saryatu hae paw nynh
ae saryanaw hae paw bya tuh
ka tungvaw accah vae.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
Jesu nynh Pachia beikinn lungkhu lang tee zah beikinn kya a zuatu hae te a retu hae balyn kha a dee hae; phuaru hae paw mih ccaboi te vahu zua hae paw kya-e dahungnaw hae kha dawleihpah hae zah, "Ccathyaa kyaze,
‘Ka inn tuh sawsangnaw inn
ci athua cih,’ cite azeikuh;
thuasalama nanning nynh
miruh hae karung lang
na rae oh," a cipya hae.
Judah hae Kawtaw Poi tuh nae vae zah Jesu tuh Jerusalem lang a cceihthung. Beikinn voidu kya vaetua hae, tuu hae te valaele hae a zua hae paw te mih ccaboi kya a haung hae paw phuaru hae paw kha a muih. Liarue hae kha buanawpaw lang raekuh zah tuu hae te vaetua hae te minmin balyn kha beikinn voidu kyate pong a dee hae, phuarutu hae kya-e phua kha phya phaepah hae zah ccaboi hae kha phe a dawleihpya hae. Valaele a zuatu hae kha, "E uccaw hae hynh hein kyate poukhae oh! Ka Paaw inn hynh kungkunaw inn lang mang nan oh!" a cipya hae. A zuitu hae nynh, "Na inn kya-e duaanaw rynaw thinlung nynh kamaw kha phe yn ae," cite azeikuhpaw kha a liathui hae.
Nae pyn tuh Pachia kyate na mue oh paw, nae lungkhu a umpaw Thyaa Muisaw beikinn nynh thua cipaw te nanning tuh naemaw kya-e na thua khyh oh cipaw kha na nyh khyh oh tou?
taloi kae thua khyh ze, byaccing kya-e atungpi te abingkunaw athuapaw, a hiinpaw Pachia kya-e khriccaawbuu athuapaw Pachia innbyn kya pawtemou um lan accan cipaw na nyku nawlan nynh thua.
Thuasalama Khri tuh Pachia inn kya ccapaw hawte a lungzipaw nynh thua. Aening nynh zynkunaw thuasah, ngaehoinaw kya-e lungtuanaw thuasah athangnaw cia tynkaring lan ah kyngku oh ze, aening tuh amaw a inn nynh ah thua oh.
"Aening ah minpaaw hae nynh ramkaw kya a um lya hae khe, Pachia tuh kae kya a um cinawpaw ccaekia lang beikbu a la hoi hae; tuh-e beikbu tuh Pachia nynh Moses a hopya hawte, Moses nynh a muihpaw pungsan thyhte a sakpaw nynh thua. Pachia nynh mih malang te a deepya hae paw ccangpaw minphuin hae ram kha ah minpaaw hae nynh he a ccou hae te, tuh-e beikbu tuh Joshua ryte a teekhae hae. Tuh-e beikbu tuh David she kyacia tuin kya po a um. David tuh Pachia kya-e maehoynaw kha mue zah Jakob Pachia a umnaw lanpaw inn saknaw kaw kha Pachia kalan a ngia. Thuasalama Solomon nynh Pachia hanlan beikinn kha a sak. Tuhzemah Ahang Huaccepaw Pachia tuh kuih te raepaw beikinn kya um khyh;
‘Vaawlang tuh
ka bawitungkhung thua zah
laephi tuh ka ccu synaw nynh thua;
pawcihawpaw inn mou
nae sakpah cih oh?
Bawipaw nynh a ci.
Tuhkhyhze ka haeungnaw hmin tuh
pawcihawpaw mou athua?
E hae balyn tuh ka kuih te
ka raepaw thua khyh tou? a ci,’
cite profeh nynh a ho hawte nynh thua.
Bawipaw nynh a hopaw tuh:
Vaawlui tuh ka bawitungkhung thua zah
laephi tuh ka ccu synaw nynh thua;
pawcihawpaw inn mou
ka hanlan nae sakpah cih oh?
Ka umnaw hmin tuh
pawcihawpaw mou athua?
E hae balyn hynh ka kuih te
ka raepaw athua keiccuze,
e hae balyn hynh ka kya-e nynh thua hae,
cite Bawipaw nynh a ci.
Zakaw a sangsakuhpaw,
a thinlung kya a ngaesikuhpaw te
ka bya keiccuze a thyngkuhpaw kha
ka do cih.
Oute Jakob nynh a inaw kyate thaekuh zah, "E hmin kya Bawipaw a um ccaccing, tuh-e tuh ka la nyh khyh," a ci. Aning nynh rih zah, "E hmin hynh pawcih baban ri lan um! E hmin tuh ccangpaw thua khyh, Pachia inn te vaawram thuakaw nynh thua," a ci.