15 ते अगर यहोवारी सेवा केरनी तुसन बुरी लगे, त अज़ तुस च़ुना कि तुस केसेरी सेवा केरेले चाहे तैन देबतां केरि ज़ैन केरि सेवा तुश्शे बुज़ुर्ग बड्डे समुन्दरेरे तैस पार केरते थिये, ते चाहे एमोरी लोकां केरे देबतां केरि सेवा केरा ज़ैन केरे मुल्खे मां तुस रहतथ; पन अवं त अपने घराने समेत यहोवारी सेवा केरेलो।"

4 ज़ैना लोक होरन सेइं प्यार केरतन तैना सबर ते दयाई सेइं कम केरतन, तैना जलन न केरन, तैना अपनि बडीयाई न केरन, ते न घमण्ड केरन। 5 तैना होरन बेइज़्ज़त न केरन, तैना खुदगरज़ न भोन, जल्दी क्रोध न केरन ते ज़ैना बुरी गल्‍लां तैन केरे खलाफ भोइ, तैन तैना याद न केरन। ते तैन केरे खलाफ ज़ैना पाप केरतन तैना, तैन बड़े आसान तरीके सेइं माफ़ केरतन। 6 तैना खुशी न भोन ज़ैखन लोक बुरू केरतन, पन तैना तैखन खुश भोतन ज़ैखन लोक तैन केरतन ज़ैन ठीक ते सच़्च़ू। 7 तैना सब गल्‍लां झ़ैल्‍लतन, प्यार विश्वास कधी न गुवाए, ते असन परमेशरे पुड़ भरोसो केरनेरे काबल बनाते, मुशकलन ते तकलीफन मां सबर रखते।

14 इन सेब्भन करां बा प्यारे ज़ै सेब्भन सिद्धतारो पटकोए बन्धा। 15 ते मसीहेरी शान्ति ज़ेसेरे लेई तुस अक जान भोनेरे लेई कुजेवरे भी आथ, तुश्शे दिलन मां राज़ केरे, ते तुस शुक्र केरते राथ। 16 मसीहेरे वचन अपने दिलन मां रोड़ेच़ारे बस्सने देथ; ते सारे ज्ञाने सेइं एक्‍की होरि शिखाला, ते नसीहत देथ, ते अपने-अपने मन्न मां अनुग्रहे साथी परमेशरेरे लेई भजन ते स्तुति ते आत्मिक गीत ज़ोते राथ। 17 ते वचन या कम ज़ैन किछ भी केरा सब प्रभु यीशुएरे नंव्वे सेइं, ते तैसेरे ज़िरिये बाजी परमेशरेरू शुक्र केरा।

14 इन सेब्भन करां बा प्यारे ज़ै सेब्भन सिद्धतारो पटकोए बन्धा।

15 इस गल्‍लरू ध्यान रखा, कि कोई कोन्ची सेइं बुरैइारे बदले बुराई न केरे, पन सदा भलियाई केरनेरे लेई तियार राथ, एप्पू मांमेइं ते सेब्भन सेइं भी भलियाई केरनेरी कोशिश केरा।

6 एल्हेरेलेइ हुनी तैना परमेशरेरी नज़री मां दूई नईं, पन अक्‍के आन। एल्हेरेलेइ ज़ैना परमेशरे ज़ोड़ोरेन, तैन्न कोई मैन्हु अलग न केरे!"

9 एल्हेरेलेइ ज़ैना परमेशरे ज़ोड़ोरेन, तैन्न कोई मैन्हु अलग न केरे!"

18 फिरी यहोवा परमेशरे ज़ोवं, "आदमेरू अकैल्‍लू रानू ठीक नईं; अवं तैसेरेलेइ अक एरहो मद्दतगार बनेइलो ज़ै तैस सेइं मेल खाए।"

24 एल्हेरेलेइ मड़द अपने अम्मा-बाजी करां अलग भोइतां अपनि कौन्शी सेइं मिलोरो रालो ते तैना दूईये अक जान भोल्हां।

24 एल्हेरेलेइ मड़द अपने अम्मा-बाजी करां अलग भोइतां अपनि कौन्शी सेइं मिलोरो रालो ते तैना दूईये अक जान भोल्हां। 25 आदम ते तैसेरी कौन्श दूईये नग्गां थियां, पन शरमातां न थियां।

26 फिरी परमेशरे ज़ोवं, "अस मैन्हु अपने रूपे मां ते अपनो ज़ेरो बनाम; ते तैना समुन्दरेरी मेछ़लन, ते अम्बरेरे च़ुड़ोलन, ते पैलतू जानबरन, ते सारे धेरती पुड़, ते सब रेंगनेबाले जीप जन्तून पुड़ ज़ैना ज़मीनी पुड़ पेटेरे भार च़लने बालेन, अधिकार रखन।" 27 तैखन परमेशरे अपने रूपे मां इन्सानेरी रच़ना की, ते अपने रूपे मां परमेशरे इन्सानेरी रच़ना की; नर ते नारी बनेइतां तैनी तैन केरि रच़ना की। 28 ते परमेशरे तैन्न बरकत दित्ती; ते तैन सेइं ज़ोवं, "फुल्‍ला-फल्‍ला, ते धेरती पुड़ भेरोई गाथ, ते तैस अपने कैबू मां केरा; ते समुन्दरेरी मेछ़लन, ते कने अम्बरेरां च़ुड़ोलन, ते धेरती पुड़ रेंगनेबाले सब जीप जन्तून पुड़ अधिकार रखा।"

7 ते तुस त फुला-फल्‍ला ते बधा ते धेरती पुड़ बड़े बच्‍चे पैदा केरतां तैस मां भेरोई गाथ।"

9 एक्‍की करां दूई रोड़ेन, तैन केरि मेहनतरो रोड़ो फल भोते।

15 कुन तैनी अक्‍के नईं बनेवरी हालांकि होरि भी आत्मा तैस कां थी? ते एक्‍के किजो बनाई? एल्हेरेलेइ कि तै परमेशरेरे काबल औलाद चाते। एल्हेरेलेइ तुसां अपने आत्मारे बारे मां खबरदार राथ, ते तुसन मरां कोई अपने जुवैनरे कौन्शी सेइं धोखो न केरे।

25 हे मुन्शव, अपने-अपने कुआन्शन सेइं प्यार केरा, ज़ेन्च़रे मसीहे भी कलीसिया सेइं प्यार केरतां अपनो आप तैसेरेलेइ दित्तो।

28 एन्च़रे मुन्श अपने कुआन्शी सेइं अपने जानी बराबर प्यार केरे। ज़ै अपने कुआन्शी सेइं प्यार केरते, तै एप्पू सेइं प्यार केरते। 29 किजोकि कोन्चे कधी अपने जानी सेइं बैर नईं रखोरो, बल्के तैसेरी हेरगेश कियोरीए, ज़ेन्च़रे मसीह भी कलीसियाई सेइं केरते।

31 ज़ेन्च़रे पवित्रशास्त्र ज़ोते, "एल्हेरेलेइ मड़द अम्मा बाजी शैरतां अपने कुआन्शी सेइं मिलोरो रालो।"

31 सेब्भी किसमेरी ट्लिठार ते प्रकोप, ते क्रोध, सखत गल, ते तुहीन ते सारो बैर-भावे सेइं तुस दूर कियोरेथ। 32 ते एक्‍की होरि पुड़ दया केरा, ते माफ़ केरनेबाले भोथ, ते ज़ेन्च़रे परमेशरे मसीह मां तुश्शे पाप माफ़ किये, तेन्च़रे तुस भी एक्‍की होरेरे पाप माफ़ केरा।

25 एल्हेरेलेइ झूठ ज़ोनू शैरतां हर कोई अपने पड़ोसी सेइं सच़ ज़ोए, किजोकि अस एप्पू मांमेइं एक्‍की जानेरे अंग आम। 26 अगर तुस क्रोधे मां भोथ खबरदार राथ, कि पाप न केरथ, दिहाड़ो डुबने तगर तुश्शो क्रोध मुक्‍की गाए। 27 ते शैताने मौको न देथ कि तै तुश्शी अज़मैइश केरे। 28 च़ोरी केरनेबालो फिरी च़ोरी न केरे; बल्के ईमानदैरी सेइं अपने हथ्थन सेइं मेहनत केरे; एल्हेरेलेइ ज़ैस ज़रूरत भोए तैस देनेरे लेई तैस कां किछ भोए। 29 कोई गन्दी गल तुश्शे ज़बाना न निस्से, पन ज़रूरतरे मुताबिक तैन्ने ज़ोथ, ज़ैन होरि केरे लेई विश्वासे मां मज़बूती सेइं बद्धनेरी वजा भोए। तैखन ज़ैन तुसेईं ज़ोवं तैन लोकां केरे लेई रोड़ू भोल्हु ज़ैना तुश्शी शुन्तन। 30 ते ज़ैन किछ तुस केरथ तैसेरे वजाई सेइं परमेशरेरे पवित्र आत्मा दुखी न केरा, ज़ैस सेइं तुसन पुड़ छुटकारेरे दिहाड़रे लेई छाप दित्तोरीए। 31 सेब्भी किसमेरी ट्लिठार ते प्रकोप, ते क्रोध, सखत गल, ते तुहीन ते सारो बैर-भावे सेइं तुस दूर कियोरेथ। 32 ते एक्‍की होरि पुड़ दया केरा, ते माफ़ केरनेबाले भोथ, ते ज़ेन्च़रे परमेशरे मसीह मां तुश्शे पाप माफ़ किये, तेन्च़रे तुस भी एक्‍की होरेरे पाप माफ़ केरा।

22 ज़ैनी कौन्श ड्लाई, तैस रोड़ी चीज़ मैल्ही,

ते यहोवारो अनुग्रह तैस पुड़ भोवरोए।

3 खुदगरज़ या झूठी बड़यैयरे लेई किछ न केरा, पन नर्म भोइतां एक्‍की होरि एप्पू करां रोड़ो समझ़ा। 4 तुसन मरां हर कोई सिर्फ अपने भलैइयरे लेई न सोचे, बल्के होरि केरि भलैइयरे लेई भी सोचे।

26 किजोकि तुस सब विश्वास केरने सेइं ज़ै मसीह यीशु पुड़े, परमेशरेरे बच्‍चेथ। 27 ते तुसन मरां ज़ेत्रेइं मसीह मां अक भोनेरे लेई बपतिस्मो नियो, तुसेईं मसीहेरी नव्वीं ज़िन्दगी तेन्च़रे लाई ज़ेन्च़रे लिगड़ां लातन। 28 हुनी मसीह मां कोई फर्क नईं, चाए कोई यहूदीए या गैर यहूदीए, गुलामे या आज़ाद। कोई फर्क नईं मड़दे या कुआन्शे, अस यीशु मसीह मां सब बराबर आम।

4 ड्लाह बनानो सेब्भी लोकन मां इज़्ज़तरी गल समझ़ी गाए, ते कुआन्श ते मड़द एक्‍की होरेरे लेई वफादार रान, किजोकि परमेशर बदमाशी केरने ते नाजाइज़ रिशते रखनेबालां केरो न्याय केरेलो।

14 गैर विश्वासी लोकां केरे सेंगती मां न गाथ, किजोकि धार्मिकता ते अधर्मेरो कुन मेल जोल? या लौ ते आंधरेरो कुन साथ?

11 फिरी भी प्रभु पुड़ विश्वास केरनेबालन मां कुआन्श मड़दे करां अलग नईं, ते न मड़द कुआन्शरी करां अलगे।