Céu

2 Njəŋ-njaa-hə nɔ bɛ mu njaa-Tie-ɔ yɔ́ŋyɔ́ŋ. Kaʼ i kʉ̌ʉ gòʼ təmə bɛ nɔ fɛ, təmə mɔ mə ghɔ̀ŋ tʉ bii mbɔ mɔ gɛ̀ shʉ̀tə yəŋkə tʉ bii fɛ.

20 Bɔŋ lɔʼɔ-yʉʼʉ nɔ bɛ yuo, bʉʼʉ kə́ chyìi Ŋkwaa-yʉʼʉ ndə məgwè hə chɔ, ndə ɔ bɛ Jiso Klai Tiekətʉ.

Jiso dàhə te kyʉə ghɔŋbə nchuɔ

19 "Kə bii mə lə̀ŋ fʉʼkə tʉ ŋwɔŋtə-ii kəchisê, kəyəŋ ndə ŋkɔʼhə ghɔŋbə kɔŋkə bu bʉ́əhə leʼnə yəŋkə ndə bəlʉʼʉ bu bə́ʼ sʉ́ʉ lʉ́ʼ fɛ. 20 B̈ii bɔŋ lə̀ŋ fʉʼkə-ii bə yuo, kəyəŋ ndə ŋkɔʼhə ghɔŋbə kɔŋkə mə bʉ́əhə fɛ leʼnə yəŋkə ndə bəlʉʼʉ mə bə́ʼ sʉ́ʉ chɔ lʉ́ʼ fɛ.

14 bɔŋ Jiso ghɔ̀ŋ mbɔ, "B̈ii mɛ̀ʼtə v̈âambuɔ gwè tʉ mɔ, kə bii mə chíe bɔŋ fɛ, bʉʼka nɔ bɛ ntɛ bʉə nɔ ndə Sɔ́ʼ Fɔŋ Yuo bɛ tʉ bɔŋ."

21 Jiso ghɔ̀ŋ tʉ ɔŋ mbɔ, "Kaʼ a kə́ kʉ́ʉ mbɔ a kɛŋ bɛ ŋkɛŋ wo, gɛ̀ fɛ̀ŋ fɔbə inchəŋ ndə a kie, kɔ́ tʉ bʉə-mbʉʼ. Kaʼ a chìi nɔ, a kie lə̂ŋ-aŋ yuo, ndʉʉmɛ, gwè, kə́ gwè hə bɔ̌ŋ mɔ."

35 Yuo ghɔŋbə chisêkə bu mì təmə ŋgiekə-ɔŋ bɔŋ bu nə mì fɛ.

2 B̈ii tʉ́ʼ ndaahə-ii ndəŋ nubə ndə i bɛ yuo, kaa nu-kəchisê-bə fɛ.

16 Bʉʼka Tiekətʉ nə mbəŋ-ɛŋ bu shíʼ gwè hə yuo nə gyʉʉ sɔ́ʼ kəyəŋ, nə gyʉʉ-wontəŋkwɛʼtəŋNyii, bə bɔŋleʼ tʉ́ʉ gyʉəʼə-Nyii. Ndʉʉ-ghɔ̄ nɔ, bʉə ndə bɔ̂ŋ kə bɛ́ŋ Klai buŋ kwú, bu fəŋ kóʼ. 17 Ndʉʉmɛ, bʉʼʉ ndə bʉʼʉ bíe ŋɛnə, bə buŋ jɔ̀ bʉʼʉ bɔŋ mɔʼɔ mu kəmbɔʼ bʉʼʉ bɔŋ bìatə Tiekətʉ mu yuo. Nɔ, bʉʼʉ bu bɛ bʉʼʉbə Tiekətʉ chɔ gɛ̀gɛ̀.

2 Mbʉətə bətieŋkɔŋ-bɔ̄ŋ, bʉʼʉ nɔ bɛ vâa-Nyii nduɔ, bɔŋ nukə ndə bʉʼʉ bu nə sɛŋ bɛ yɔŋ chʉʼ kɛ̀ʼnə fɛ. Bɔŋ nukə ndə bʉʼʉ kínə nɔ bɛ mbɔ ndʉʉ ndə ɔ bu yi gwè nɔ, bʉʼʉ bɛ ndə ɔ, bʉʼka bʉʼʉ bu yi nyíɛ ɔŋ kɛŋ ndə ntɛhə ndə ɔ bɛ yɔŋ. 3 Wotəmiyɔŋ ndə ɔ yʉ́əʼnə ndəŋ Klai nɔ kie ndə mətʉ́ʼ mu fyii-i, itʉ́ʉnə, haʼ ndə mbʉ Klai bɛ tʉ́ʉnə.

18 Tiekətʉ bɔŋ bu fyúhə mɔ ndə nu-bʉəbʉə-bə inchəŋ lʉ̀ mɔ buɔbuɔ gɛ̀ nə mɔ yuo kəyəŋ ndə ɔ tʉʼ sɔ́ʼ. M̈əgʉ́ə bɛ yi-yə təmə liʼ-i ghɔ fɛ. Ï bɛ haʼ nɔ.

Jiso kóʼ gɛ̀ yuo

50 Ɔ kʉ̂ʉ lʉ̀ bɔŋ fyú gɛ̀ nə bɔŋ Bɛtani, chɔ̀ʼhə ghɔkə-i ghɔʼ túu bʉ̀ʉ kɔ́ tʉ bɔŋ. 51 Ndʉʉ ndə ɔ tʉʼ túu bʉ̀ʉ ndə məkɔ́ tʉ bɔŋ, ɔ mɛ̀ʼtə bɔŋ, bə lʉ̀ ɔ gɛ̀ nə nɔŋ yuo.

9 Ndʉʉ ndə ɔ gìe nubə-ɔ̄ŋ inchəŋ, ndə bɔ̂ŋ kə́ lɛ́nə ɔŋ, bə chɔ̀ʼhə ɔŋ, gɛ̀ nə nɔŋ yuo, mbɔʼkə lìihə ɔŋ hə shʉ-bɔŋ.

12 Bʉʼka bʉʼʉ tʉʼ gwúu byuʼu bə bʉʼʉbə bʉəməsʉʉ fɛ, bʉʼʉ nɔ tʉʼ gwúu byuʼu bʉʼʉbə bʉə njəŋ kədɔŋ, kə́ gwúu byuʼu bʉʼʉbə lyʉʉhəbə ndə bɔ̂ŋ tʉʼ sɔ́ʼ nə bəfɔŋ njəŋ kədɔŋ, kə́ gwúu bʉʼʉbə ghʉəʼ-bʉəbʉə-bə ndə bɔ̂ŋ bɛ mu njəŋ-yuo-hə.

7 bʉʼka bʉʼʉ kə gwè nə fɔkə kəwʉʉnəmbi fɛ, təmə bʉʼʉ bɔŋ mə leʼ lʉ̀ fɔkə kəwʉʉnəmbi gɛ̀ nə yɔŋ fɛ. 8 Bɔŋ kaʼ bʉʼʉ kie fɔyubə ghɔŋbə ndyi ndə məmɔ̀ʼ mbʉə-bʉʼʉ, tʉʉ-yʉʼʉ kə́ bʉ̀ʉ.