Céu
O céu é a morada eterna de Deus e a esperança final do cristão. A Bíblia descreve o céu como lugar de glória, alegria e comunhão perfeita com o Criador.
A morada de Deus
Na casa de meu Pai há muitas moradas. Os céus declaram a glória de Deus — e um dia habitaremos lá eternamente.
Anihein saragu ubaraü tidan luban Núguchi, néibuga lubeiti aranseha aban ubaraü hubá. Lun hamuga mítaranti, ariñaga naali hamuga hun.
Abahüdagua lumuti sielu luéirigun Bungiu,
adimureha ligía woun luagu le ladügübei lau lúhabu.
Abahüdaguati aban weyu lun le aban
luagu uéiriguni ligia;
águyuguagüdalei aban áriebu lun le aban.
Nubungiute, lóugiñeñadibu sielu;
buin liña múa lau buéirigun!
Lúmagiñe Aburemei liabin wíderawagun
Bungiu le adügübalin sielu luma ubóu.
Kagia nánibei sielu?
Buguyarügüñein!
Dan le búmañadina lan,
úati ni kata nabusenrun ubouagu.
Dan le lagumeserunbei sun katei, aba ladügüni Bungiu sielu luma ubóu. Magaburigili meha ubóu; larihín meha keisi aban barana huliliti daruguñu luburiga lau, anihánti buga lani Bungiu Sífiri ánhinha ligibuagu duna.
Adügaali Wabureme luban sielu,
rulei sielu lóugiñe múa;
wati lun barana, aba láwiyuruni ligibuagun múa.
Aburemei, ligía líribei.
Gayaraabei funa laramudagun furumiñeguarügü luéi narihin?
Buin liña sielu luma ubóu nau.
"Nabureme, lau óunwenbu bubafu badügei sielu luma ubóu. Úati ni kata siñati bun.
Cidadania celestial
A nossa cidadania está nos céus. Ajuntai tesouros no céu, não na terra. O céu é a pátria do cristão.
Anhein wagía, siéluna wagía, ani wagurabuña liabin Wabureme Hesukrístu le Wasalbaragüle siélugiñe.
«Móundaragua humá irisini ya ubouagu le ñein lubéi gayara lan háhüchün hamutiri ani gagahüdadi ligía katei, le giñe ñeinhin lubéi gayara lan hebelurun híwerutiña lun híweruhan. Óundaragua humá irisini sielu, le ñein lubéi siñá lan háhüchün hamutiri, magahüdadi ligía ni kata, mebelu hagía híwerutiña íweruha ñein.
Aba lariñagun Hesusu houn:
—Ígira humá lun hayabin irahüñü nun, mamahara humá, ladüga ha harumabaña afiñe kei irahüñü, hagía lílanabaña arúeihani le siélubei.
Aba lariñagun Hesusu lun:
—Anhein busén bubéi buidu ban sunsuinagubei, alugurabéi sun le búmabei, ábame bíchuguni lebegi houn gudemetiña, ábame bibihin irisini sielu; ábameti biabin, ábame bafalarunina.
Lásügürüba sielu luma ubóu, anhein nererun, meredebei magunfulirunga.
Samina humá luagu burí katei le lánina sielu, mama luagu burí le lánina ubóu.
Esperança eterna
Seremos arrebatados para encontrar o Senhor nos ares. Ainda não se manifestou o que havemos de ser — mas seremos semelhantes a Ele.
Danme le ararireina lan Wabureme Hesusu siélugiñe, laganbúba lumalali hábuti ánheligu, luma tumalali lifidun Bungiu. Gürigiameti ha óunwegubaña afiñeñu luagu Kristu, hagíaba ásaara furumiñe. Lárigiñeme, wagía afiñetiña ha wínwangiñabaña, ábame wanügǘniwa úara hama lidan dúeri lun wadunragun luma Wabureme Hesusu garabalirugu. Ábameti werederun luma Wabureme Hesusu lun sun dan.
Niduheñu hínsiñetiña nun, lirahüñühadiwa Bungiu guentó, ani lau sun marufudungili lan woun kátabadiwa lan lídanme lagumuhóun; subudirügü wamuti luagu danme lan le lagiribudun Kristu, ítara waba lan kei ligía, lugundun warihubei ítara kei lubéi. Ani sun le agurabahabálin burí katei le, harumagüda lumuti ligaburi ítara kei haruma lan ligaburi Kristu.
ani lesefurubadina luéi sun wuribani, areida láname lubá larúeihan sielu. Rualá uéiriguni lun, lun súnwandan! Ítarala.
Ábati lanügüniña Hesusu bóugudin luéi uburugu chülǘ Betania; aba liñuruni lúhabu, aba labiniruniña. Sunti anihán lan abiniraña, aba ladiñurun hawéi, aba lanügǘniwa sielun.
Lárigiñe lariñaguni Hesusu katei le, sun añaha lan aríaguei, aba liñurúniwa; aba liabin aban dúeri, aba ladouragun lau, aba marihin hamaali lan.
Lugundun mama hama gürigia ha láutiña ǘgürügü luma abun wageindagua, hama burí sífirigu gabafutiña ha lánina wuribani yágüta iñu wageindagua, luma hama gumadi, lúrudugu luma ubafu lánina luburiga lidan ubóu le.
Ladüga manügüntiwa ni kata wámagua ñahoun ubouagun, siñabei giñe wanügün ni kata yáagiñe; anhein geigin wabéi, gadaüragun, lunti gufuruma wamá lau lira.
Lugundun mítaranti nisaminan kei hisaminan,
mítaran nóuserun kei huguya.
Ítara kei lóugiñeñein lan múa sielu,
ítara giñe lóugiñeñein lan hisaminan luma hóuserun
nisaminan luma nóuserun».
Liña lariñagun Bungiu.
Gadaaniti sun katei ya ligibuagu ubóu le; chülüti lidaani sun le asuseredubei:
Ani ítara kei ligaburi liabin ubouagun, ítara luba lidin: Surusu kei dan le lágurahounbei, manügünga ni kata lídangiñe lebegi luadigimari.