1 Lun hamuga buga mámañein lan wámagiñe Aburemei

—ariñagaléi Ísüraeli guentó—

2 Lun hamuga buga mámañein lan wámagiñe Aburemei

dan le hayabinbei wügüriña lun hageindagun wama,

3 háhuluchuñadiwa hamuga wínwanñu

dan le laweiridagun hagañi kóntüra wagía.

4 Aba hamugati meha laduruguduniwa duna;

lásügürüña hamuga meha aban duna waweigiñe!

5 Lásügürüña hamuga lafuludurun duna waweigiñe!

6 Alawahoualá Aburemei,

ladüga mígirunti lun hamurusuhaniwa lau hari!

7 Séfuhadiwa tídangiñe sádara

kei tesefurun dunuru luéi éibaahati,

héiriguatu sádara ani aba wáfuridun.

8 Lúmagiñe Aburemei liabin wíderawagun

Bungiu le adügübalin sielu luma ubóu.