1 Busentina neremuhan lun ínsiñeni luma irichaü;

Nabureme, busentina náwarun uremu bun;

2 busentina nabagaridun lau ísuruni.

Ídaame san biabin nun?

Úabei danaguati lidan nóuserun íbini núbiñe;

3 míchugun nubéi narihin luagun katei le mabuidunti.

Bungiu iyereegutiña ha magunfulirunbaña buma nun;

mígirunbadina lun hayarafadun nun!

4 Nadisedagüdübei lagübüri saminaü nuáriua;

mabusenruntina nadügün ni kata wuribati!

5 Námanichagüdübaña ha adimurehabaña

wuriba hawagu habesinanigu aramudaguarügü;

mawandun numutiña ha barüguabaña houngua

ha wéiribei liñun hanaagun houngua!

6 Níchugubei narihin hawagun gürigia gúnfulitiña

lun haganóun nóubawagu,

hárügübaña abagaridutiña aban ibagari suruti

eredera nurugabu eseriwida nun.

7 Mabagaridunbei ni aban marasualuguti núbiñe!

Meredebei ni aban biangua tigibu niñúarü!

8 Nagünrinchagubaña wuribatiña fulasurugu sagü weyu,

nachagarubaña sun wuribatiña luburuguterugugiñe Aburemei!