1 Buínguatu nanigi lau dimurei buídumeraüti

dan nariñaguni nani bérusu ligibugiñe urúei;

ítara tiña niñeñe kei labürügüle aban abürühati!

2 Buguya gürigia létima magadiñebei!

Furiti anichigu biyumulugugiñe!

Ligía labinirunbalibu Bungiu lun súnwandan.

3 Dahiboun befeinte biranaagua, gürigia ganigiti!

Tuguya buéndenboun!

4 Bawanserun lidan bagañeirun ligía buéirigunbei,

ageindagueina luagu lóubadina inarüni,

íchigeina haricha ha ǘnabugubaña

adügati búhabu le bóunwenren katei wéinamuburiti!

5 Ábürühatiña lílana fulasu lubadu bugudi, urúei,

gágiriburitu bigimaran

charutu tuagun hanigi báganiñu.

6 Bungiu, magumuchaditi barúeihan;

ani aban arúeihani le lánina richaguaü.

7 Hínsiñeti katei le buídubei bun,

iyereeguti le wuribabei bun.

Ligía lanúadirunbalibu Bungiu le Bubungiute,

aba labuinchagüdünibu lau ugundani,

sügǘ hau bupanaagu.

8 Hémetu badaüragun lau lubuidun ibiñein;

eremuhatiña bun tau gidara lun bagundaarun

tidan bani palasiu to wéndeboun.

9 Hadan würiña ha afileihabaña lidan bamarieidun,

añahein harahüñü urúeigu;

luéigiñe bóunwenren ñeinñoun urúei,

wéndeñu lau golu le fínutimabei.

10 Ladari urúei, aganbabéi le lunbei nariñaguni bun:

«Bulieibáña biduheñu hama bumutuniña.

11 Magadiñetibu, ligía bínsiñebei lun urúei,

babureme ligía, lunti bidin lau le lubeibei.

12 Sun lílana uburugu Tiru hanügüba idewesei bun,

háfaaguba lun hagañeirunibu lau edewehani».

13 Anuhán ladari urúei ebelura lau sun tubuidunmeraü!

Lau filu lauti golu tadügǘwa tadaüragun!

14 Wéndeñutiña hanügünu ligibugiñoun urúei,

hau tánigu würiña tárigi tárigi hama tumadagu.

15 Hawanseruña lau óunwenbu ugundani,

ma hagundan hebelurun lúbiñoun urúei.

16 Hañuuruba birahüñü luagu lálana harúeihan bagüchagu

ábame bagumadiragüdüniña lidan sun fulasu.

17 Nadügüba lun laritawagún luagun biri hadan iseri inebanfangu,

luma lun halawahanibu lílana fulasu súnwandan.