1 Dan le burí nerederagun aríaguei áraabu,

aba nálügüdagun nungua, nariñaga:

«Halíagiñeba san liabin níderawagun?»?

2 Lúmagiñeba Nabureme liabin níderawagun,

Aburemei le adügübalin sielu luma múa.

3 Mígirun lubadibu lun baguyedagun!

Marumugun ligíame le óunigirubalibu!

4 Uá, marumugunheiti;

marumugunheiti le óunigirubalin Ísüraeli.

5 Aburemei óunigirubalibu,

Aburemei aramudubalibu,

le burugabubei lun líderagunibu.

6 Madügünbei weyu damichi bun wéyuagu,

ni hati áriebu.

7 Areida lumutibu Aburemei luéi sun luwuyeri denchaü;

areida lumuti bibagari.

8 Areida lumutibu Aburemei lidan sun béibugun,

guentó luma súnwandan.