1 Lóubawagu Nabureme náluaha naramudagun.

Málati hariñagun nun:

«Banuraha wǘbüwagun keisi dunuru;

2 arihabá houn wuribatiña:

Ru hamutu gimara luagu gúrudu,

deregüda hamutu tebu gimara,

aba hachüühan hawagun ha harumabaña

lídangiñe fulasu le aramudaguati,

3 ani danti anihein lan chagaguaü lidan sun fulasu,

kábagia gayara hamá gürigia ha richaguabaña adüga?»

4 Gama lumoun anihein Aburemei tidan luban to sánduboun;

anihein lálana larúeihan Aburemei sielu,

lau lagu fegeñu, aríagu liña houn sun gürigia.

5 Ariha lumutiña Aburemei buítiña hama salufuritiña,

ani iyereegutiña ha hínsiñehabubaña lun anarimeni lun tau sun luani.

6 Láhuyagüdüba eñeguraü,

watu gemeti luma súfuru hawagun wuribatiña,

barǘ ligíame aban garabali le águduti sun katei.

Líchugubei Aburemei le hadünabei houn!

7 Richaguati Aburemei

ani hínsiñeti katei le richaguabei lun;

ligía harihubei lubéi ha richaguabaña!