1 Dan le háfuridunbei Ísüraelina,

ha lumutuniña Hakobu Ehiptugiñe,

lídangiñe ageiraü terenchati,

2 chülüti Hudá lun lánime Aburemei sanduariu;

ánheinti Ísüraeli lun ábanbei lan arúeihani lun.

3 Dan le larihinbalin barana Ísüraeli aba lanurahan,

aba lagiribudun duna Hordán lárigoun.

4 Achubahati burí dabíara kei mudún

achubaha ligía wübü kei liraüraü mudún!

5 Kagia suserebei bun, barana, banurahanbei?

Kagia suserebei bun Hordán, bídinbei bárigoun?

6 Kagia suserebei hun dabíara hachubahanbei kei mudún?

Kagia suserebei hun wübü hachubahanbei kei harahüñü mudún?

7 Badadagara, múa,

ligibugiñe Aburemei, le Lubungiute Hakobu!

8 Adüga lumuti burí dübü wéinamuti dúname!

Saliguagüda lumuti lirahüñü dübü lísensenme duna!