1 Nubungiute, higabu besefurana!

Nabureme, higabu bíderaguana furese!

2 Barǘ hamá ha álugubaña háfarunina busiganu!

Ha álugubaña hadügün wuribati nun,

anuraha hamá lau busiganu!

3 Ha adügübaña bula nau,

anuraha hamá lau busiganu!

4 Gama lumoun sun ha alawahabalibu,

buin hamá lau ugundani;

ha ayumahabaña lun besefuruniña,

ariñaga hamá súnwandan:

«Wéiriguti Wabungiute!»

5 Auti, le gudemebei nidiheri nuguya,

Nubungiute, higabu bíderaguana furese!

Buguya íderagubalina ani sefubána;

madarasahabá, Nabureme!