1 Aburemei,

gúndaati urúei ladüga rúhadibu lan erei lun;

wéiriti lugundan

ladüga ru baali lan agañeiruni lun!

2 Gúnfuli baali labusenrun;

ru baali le lamuriahabei lun.

3 Resibi bumuti lau óunwenbu abiniruni,

aba bíchugun aban ridi le lauti golu luagu.

4 Amuriahati ibagari buma, ani ru bumuti lun:

Ibagari migifeti le magumuchaditi.

5 Seremei bídehan luéirinbei lubafu;

rúhadibu uéiriguni luma inebesei lun.

6 Biní baali lun súnwandan;

lau biñuarü buíngüda bumuti lau ugundani.

7 Buguya urúei, mábürühandügübadibu,

ladüga afiñetibu luagu Aburemei;

hemenigitibu luagu línsiñehabu le Íñugutimabei!

8 Lárügüdübaña bubafu sun báganiñu;

lárügüdübaña bóunwenren sun ha iyereehabúbaña bun;

9 bíchugubaña lidoun aban régigi gemeti

danme bachülaagun lun baguseragüdün.

Lagumuchaguagüdübaña Aburemei lau ligañi,

lau watu gemeti le gagumuchaguagüdaditi.

10 Bagünrinchagubaña harahüñü hama hadügawagun ubouagugiñe

luma hádangiñe gürigia.

11 Busén hagía yebe hadügün wuribati bun,

eledegua hagía bubá, siñabei hadügün ni kata.

12 Badügüba lun héibaagun

setibóunme bigimaran hawagun.

13 Saraba lau bubafu Aburemei!

Wefeduhaba lau uremu luagu bagañeirun!