1 Nabureme, gíbetiña náganiñu,

gíbetiña íchugutiña hanagan nuagun.

2 Saragu haña ariñagutiña nuagu:

«Mesefurun lubéi Bungiu»!

3 Gama lumoun Nabureme,

buguya óunigirubalina,

buguya íchugubei uéiriguni nun,

buguya íchugubei gurasu nun.

4 Wáguatina amuriaha ídemuei luma Aburemei,

óunaba lumutina lídangiñe fulasu le ñein lubéi.

5 Róuntina, arumuga au, ábaya nagagudún

ladüga ágüdaha lumutina lan Nabureme.

6 Manufudedagüdün hamutina saragu súdaragu

ha geyegubaña nau,

aranseñu lun hábürühan nuagun.

7 Iñuraguabá, Nabureme!

Sefubána, Nubungiute!

Babuleseirubaña náganiñu hagibuagun;

báhalahabei hari ha salufuribaña!

8 Nabureme, buguya esefuhabei;

binibaña lubeiti bánigu!