Sálumu 60

Afurieiduni amuriaha ídemuei íñugiñeti

1 Fui baadiwa lidan bigañi, Bungiu, günringua báadiwa.

Águyugüdabei were woun!

2 Adügatibu lun ladadagarun múa, daragua ligia;

guentó darubei líhunren, luéi lagululudun.

3 Áfagagüdabaaña bumutuniña lidere burí óuchawaguni;

rúhadibu aban diwéin to lǘlügüdatu aau woun;

4 guentó ruba aban seini houn ha inebehabubaña bun,

lun hesefurun tuéi gimara!

5 Óunababawa, sefubáwa lau bubafu!

Sefubáña ha hínsiñebaña bun!

6 Ariñagaali Bungiu tidan litenpulun:

«Lauba nugundan nafanreinraguei Sikemü,

afanreinhaneime Sukotu!

7 Nani Galaadü luma Manasési;

Éfürain ligía bunidi le adouragubei lau nichügü;

Hudá ligía nubadunbei le aubei nagumadiha;

8 Moabü ligía dabarasi le ídanbei nachibagua nungua;

níchuguboun nigeidin luagu Edomu;

nagúarahaba luagu nagañeiruniña Filistéana!»

9 Kaba san anügana lidoun uburugu le baríeiruabei?

Kaba san alidihana chülǘ Edomu?

10 Ladüga buguya Bungiu, fui baadiwa,

máfuridunhadibu hama wasudaranigu!

11 Íderaguabawa hawagu wáganiñu,

ladüga mebegiti lídehan gürigia.

12 Lau lídehan Bungiu,

wadügüba burí katei wéinamuti

laburechagubaña Bungiu wáganiñu!