1 Nabureme,

ídaba san lásura babulieidunina?

Babulieidaadina san lun súnwandan?

Ídaba san lásura baramudagun nuéi?

2 Ídaba san lásura tasufurirun nanigi

tabu sun nuani íruni sun weyu?

Ídaba san náfurida lábugiñegiñe lubafu nágani?

3 Nabureme, Nubungiute,

arihabána, óunababana,

buíngüdabei nagu lau larugounga!

Méiguadun náamuga lidoun arumuguni le lánina óunweni!

4 Mariñagun láamuga nágani: «Gáñeina»!

Magundaarun láamuga ánhana eferidira!

5 Hemenigitina luagu bínsiñehabu;

gúndaatu nanigi ladüga besefurunina.

6 Neremuhaba lun Nabureme

luagu ubuiduni le adüga láalibei nun!