Sálumu 54

Afurieiduni amuriahei lídehan Bungiu

1 Sefubána, Nubungiute, luagu biri!

Ageindaguabá náugiñe lau bubafu!

2 Aganbabéi nafurieidun Nubungiute;

ruba arigei lun nererun;

3 ladüga añaha gürigia terencha ha hanarimetiña

iñuragua houngua nuagun,

ani busentiña háfarunina hilagubei.

Míchugun hamuti Bungiu ubaraü!

4 Lau sun lira, íderagua lumutina Bungiu;

areida lumutina Bungiu lau ibagari.

5,6 Ladügüba Bungiu lun lagarabaagun

hariban guánarügü náganiñu hawagun.

Günringuabaña, Bungiu,

ladüga buguya úaraguatibu!

Nadagaragüdüba bun lau nugundan,

neremuhaba giñe lun biri, ladüga bubuidun,

7 ladüga sefu báadina lídangiñe sun nidiheri,

ani ariha naali giñe heferidirun náganiñu.