1 Ha hemenigibaña luagu Aburemei, mánhingichuatiña;

ítara haña kei wübü Sión,

derebuguluhaña lun súnwandan.

2 Ítara kei legeyedagun wübü lau Herusalén,

ítara liña geyegu lan Aburemei hau lánigu

guentó luma súnwandan.

3 Mabafubei luriban agumadihani súnwandan lidan múa

le líchugubei Bungiu houn lánigu,

gumesehañein lánigu afalarei wuribani.

4 Aburemei, adügabá buiti houn ha buídubaña;

houn gürigia ha harumabaña anigi;

5 anhein houn ha luéigiñebaña üma wuribati,

adügabá lun lidin houn kei lidin houn wuribatiña.

Ñeinlá darangilaü Ísüraeli!