1 Alawahoualá Aburemei!

Fuleseiwatiña gürigia ha inebehabubaña lun Aburemei

gunda hagía lau hagunfuliruni lugumadin.

2 Habinirúba hadügawagun gürigia ha harumabaña,

ani gabafubaña giñe ubouagu.

3 Anihein saragu irisini lúbiñe,

ani magumuchaditi lareini.

4 Durunguati lanpu lidan luburiga,

houn gürigia harumatiña,

gudemehabutiña, areida ani richá hagía;

5 gürigia ha buídubaña,

rútiña furedeiti lau areini,

adüga hamuti hamarasun lau arumani;

6 ligía méiguadadi habéi.

Laritawaguba hawagun gürigia úaraguatiña súnwandan!

7 Manufudetiña luéi uganu le wuribati,

deregüdagutiña hanigi afiñeñu luagu Aburemei.

8 Deregüdagutiña hanigi, manufudetiña,

ariharügütiña hawagun háganiñu lau bula.

9 Edewehatiña houn gudemetiña,

areidatiña súnwandan,

iñura hamuti hagibu lau uéiriguni.

10 Gáñitiña ha salufuribaña dan le harihini;

akünrinhati hari le hásiñaragun houngua.

Rédeiti hayumahan wuribatiña lidan ni kata.