1,2 Nabureme, Nurúeite Nubungiute,

aganbabána, tenibá lun nayumuragun,

adügabá gasu lau naünhan, ladüga bun nafurieida.

3 Aganba bumuti numalali binaafin;

ru numuti nikesin bigibugiñe binaafingiua,

aba nerederun agurabei bóunabun.

4 Mama buguya aban Bungiu le gúndaati lau katei wuribati;

siñati haganóun wuribatiña bóubagiñe,

5 Mabaratiña giñe ha barüguabaña houngua biñuarü.

Iyereegutiña ha adügübaña wuribati bun,

6 günringua bumutiña ha marasualugubaña,

bugabáña gáfarahatiña.

7 Ánheinti au, luagu lueirin bínsiñehabu,

gayaraati nebelurun tidoun buban to sánduboun;

gayaraati níchugun uéiriguni bun,

aríagueina aume lau inebesei búbiñoun.

8 Nabureme, íderaguabana lun nadügüni bugundan,

barübana luéigiñe üma le surubei,

ariha hamaamugei náganiñu luagu abunhein lan numa.

9 Hagía, madimurehantiña lau inarüni;

ñalaaña harageirugugiñe!

Ítara liña hagülerugu kei aban umúahaü le hunren umuti;

Marasualugutu hañeñe!

10 Béiguabaña, Nubungiute!

Adügabá lun masali lan luriban haransehan!

Bugabaña luagu liibe hafigoun,

ladüga hagarabaagun buagun.

11 Gunda hamá ha hemenigibaña buagu,

eremuha hamá lau ugundani súnwandan

ladüga buguya ágüdahabaliña.

Badüga gúndaahabei ha hínsiñehabubaña bun,

12 ladüga buguya Nabureme

biní bumuti le gúnfulibei buma;

daruguati bareini lau

kei aban idaüdinaü le lauti gürabu.