Sálumu 120

Lamuriahóun ídemuei

1 Dan le nidiheri nan wátina lun Nabureme,

ani aba lóunabunina.

2 Nabureme, sefubána luéi iyumaü yeeti

luma tuéi iñeñein to hanarimeti tayeehan.

3 Ka amu katei gayaraabei beresibiruni,

iñeñein marasualugutu?

4 Háfudurawaguba tau hagimaran súdara to gágiritu!

Gudawa hagíame lau watu gemeti!

5 Fugiabu au, le aganóubei kei terencha Mesekü,

redei au hadan gürigia Kedarüna!

6 Gíbeyaali naganóun hadan ha

iyereehabúbaña lun darangilaü;

7 dan le nadimurehan luagu darangilaü,

aba hadimurehan luagu wuribu!