Sálumu 129

Ruti Aburemei esefuruni

1 Gíbeeli idiheri násügürün

lúmagiñe nibureingidina

—ariñagaléi Ísüraeli guentó—.

2 Gíbeeli idiheri násügürün

lúmagiñe nibureingidina;

gama lumoun magañeirun lumutina.

3 Bigua hamaali nanagan lau beiti,

ígiratiña wéinamuti biti nuagu.

4 Gama lumoun Aburemei, le richabei,

sefu láadina luéi habafu wuribatiña.

5 Barǘ hamá láganiñu Sión busiganu,

anuraha hagíame!

6 Ítara hamá kei híduru le áhüchübei tábulugu muna,

lubaragiñe lahulúniwa aba lásaürün!

7 Híduru le mabuinchunbei lúhaburugu

le alubahabalin türigu aba lagürahani;

8 le giñe úabei ni aban ariñaguti luagu

dan lásügürün lubadugiñe ichari:

«Biní laali Aburemei!»

Biní wamutün lidan liri Aburemei.