1 Huguya le gabafubei,

richati san hasiadihan,

rutün san irichaü le inarüniti houn gürigia?

2 Uá, lubaragiñe lira lau luriban aritaguni huádigimarida;

rutün lúgaaru lun anarimeni fulasurugu lau hóuserun.

3 Gádeitiña wuribatiña

lúmagiñe turageirugugiñe háguchu;

chararatiña marasualugutiña

lúmagiñe lubaragiñe hágurahoun;

4 péisinitiña kei hewe;

ítara haña kei aban hewe péisinitu

to adügüboun kamá le maganbuntu ni kata,

darutéi tarigei

5 luéi taganbuni lúyanute chu tau,

le garumaagüdadibei animaalugu gáñitiña.

6 Nubungiute, áhalahabei hari!

Bungiu, áhalahabei hari liñún ha!

7 Gumugua hamá kei duna le áwiyurubei;

saü hamá kei híduru le adügürawaguti ǘmadarugu;

8 gumugua hamá kei wadabu lidan luguyerun,

kei irahü le agüriaawaguti

le marihingubeibalin larugounga!

9 Gemé hamá kei hiiyu lubaragiñe hasubudiruni;

hulawagua hamá lau igañi kei híduru le wurigili.*

10 Ha gúnfulibaña hagundaaruba lau lageindawagun haweigiñe;

hadüdüragüdübei hagudi lidan hata gürigia salufuritiña!

11 Ábameti lariñawagún:

«Anihein agañeiruni houn ha gúnfulibaña!

Anihein aban Bungiu le aguseragüdübei ubouagu».