1 Dan le lasansirunbalin Aburemei lubunurun Sión,

laganóun woun kamá uénedü.

2 Ábati labuinchun wayuma lau éherahani

luma agúarahani le lánina ugundani;

hariñagati gibe tubungiutegu:

«Adügaali Aburemei katei wéinamuti hawagu!»

3 Inarüni, adügaali buga Aburemei katei wéinamuti wawagu,

ani gúndaatiwa buga luagu.

4 Aburemei, adügabá lunya lasansiragun wabunurun,

kei lasansiragun fulasu mageirawati lau láhuyun huya!

5 Ha ábunagubaña lau águiraü,

halubahaba lau ugundani.

6 Íbini hayahun dan houdin tau sagü lautu ilaü,

hagiribuduba eremuheina lau ugundani,

lau burí güraguati türigu harünarugu.