1 fuleseiwatibu, buguya le inebehabubei lun Aburemei

gaganbadi buguya lun.

2 Béigiba lídangiñe buadigimari,

gúndaabadibu, buídubei giñe lidin bun.

3 Ítara tuba búmari kei tídibu beibei to gíbetu tin;

ítara haba birahüñü geyegu lau bidabulan

kamá láhüchagun oliwu.

4 Ítara luba labiniruniña Aburemei

gürigia ha inebehabubaña lun.

5 Binilabu Aburemei lídangiñe wübü le Sión!

Ariha báamugei lubuidun dan lun Herusalén

sun weyu lidan bibagari!

6 Ariha báamugaña bibañan!

Ñeinlá darangilaü Ísüraeli!