1 Dan le meha ñun wamá laru duna Babilónia,

ayahuatiwa dan le waritagun luagun Sión.

2 Dahí wamutu wani árüpa

luagu burí tídibu wewe to ñeinboun uburugu.

3 Ha anügübaliwa keisi adaürǘtiña,

ha anügübalin sun wámati wawéi,

amuriahatiña meha wama lun weremuhan lau ugundani;

lun weremuhan leremuna Sión houn!

4 Ida lubagia weremuhan leremun Aburemei

lidan fulasu terencha?

5 Ánhabu nabulieida, Herusalén,

saüla núhabu le nóunwenren!

6 Badületá niñeñe luagu nisielun

ánhana maritagun buagun;

anhein míchugun nan Herusalén lóugiñe nugundan guánarügü!

7 Aburemei, haritaguabá hawagun Edomuna,

ha ariñagubaña dan le lábürühanbei Herusalén:

«Günringua huméi, günringua huméi darí lumoun lebu!»

8 Buguya, Babilónia, bagünrinchawaguba!

Fuleseiwatiña ha lúnbaña hafayeiragüdünibu

luagu bidurun, luagu le badügübei woun!

9 Fuleseiwatiña ha árügüdütiña birahüñü

lun hachüüraguniña luagun dübü!