1 Gúndaaguala sun múa!

Gúndaaguala burí ubouhu le gíbebei lamidangua barana!

Aburemei urúeibei!

2 Geyeguliña dúeri luma luburiga lau;

ísuruni luma irichaü

ligía ágüdahabalin lálana larúeihan;

3 anihein watu gemeti lubá lubá

ani gudá lumutiña áganiñu ha geyegubaña lau.

4 Harugoungadagüda lumuti burí lani labirihaniga ubóu;

adadagarati múa dan le larihiniña!

5 Rǘrüguati burí áraabu kei lubuñe sanudelu

ligibugiñe Aburemei le labureme sun ubóu.

6 Adimureha lumuti burí sielu liricha Bungiu;

ariha hamuti sun gürigia luéirigun.

7 Ha áhuduragubaña houn guáriua,

ha apantahabaña hau, rédeitiña ǘnabugu;

sun búngiugu buluguatiña ligibugiñe!

8 Aburemei gúndaati Sión,

luma burí uburugu le lani Hudá

saraguhaña gúndaatiña lau bilurudun;

9 ladüga buguya, Aburemei Íñuguti,

lóugiñeñadibu sun múa,

ani íñugutimatibu hawéi sun búngiugu.

10 Hínsiñehabuti Aburemei houn ha iyereehabúbaña lun wuribati;

góunigi lumuti habagari ha gúnfulibaña luma;

sefu lumutiña luéi hábürühan

háhaburugun gürigia wuribatiña.

11 Durunguati lanpu lun wügüri buiti;

hounti gürigia ha harumabaña ugundani.

12 Gunda humá lidan Aburemei,

gürigia buítiña, alawaha huméi liri le sándubei.