1 Lúniri Ísüraeli,

buguya le adundehabalin Hosé kei mudún,

buguya le aniheinbei lálana barúeihan hóugiñe kátaña garünatiña,

aganbabá! Arihabéi Éfürain,

2 Benhamín luma Manasési lau agu buiti!

Agaguduabá, higabu besefurawa lau bubafu!

3 Bungiu,

adügabá lun wayabin lun ítara wamá kei wabéi meha!

Arihabáwa lau agu buiti ábame wesefurun!

4 Aburemei, Bungiu Suntigabafu,

ídaba san lagumucha bagañidun lun hafurieidun bánigu?

5 Rúhadibu águiraü woun leweñegua éigini,

saragu águiraü leweñegua uniñein.

6 Adüga báadiwa héheraagüleme néchanigu ha wabesinan,

éherahatiña wáganiñu wau.

7 Bungiu Suntigabafu,

adügabá lun wayabin lun ítara wamá kei wabéi meha!

Arihabáwa lau lubuidun agu,

ábame wesefurun!

8 Sagatibu aban lídibu beibei Ehiptugiñe,

bugá bumutiña gibe tubungiutegu, aba bábununi.

9 Harumagüdatibu lau,

aba líchugun lídibu beibei ílagülei,

aba labuinchun fulasu lau.

10 Daruguati lau burí áraabu lau lamuñoungadüna,

darugua ligía lau burí lídibu wewe le íñutimabei lau lilimun.

11 Chülüti lilimun chülǘ baranahoun,

chülǘ láhüchagun dagá lidoun duna le Éufüratesi.

12 Ka san uagu bágurei baríeiru le geyegubei lau?

Guentoti ha ásügürütiña ǘmadarugugiñe

gayaraati híweruhani beibei.

13 Günringua hamutu buíruhu áraabuna;

günringua hamutu animaalugu áraabuna!

14 Bungiu Suntigabafu, giribubá arihabá siélugiñe,

gudemelá lídibu beibei le bun,

15 lídibu beibei le bábunubei,

láhüchagun le bederebudagüdübei.

16 Ha átühabarun gudá hamóun,

günringuabaña lau bigañi;

17 gama lumoun íderaguabei gürigia le banúadirubei,

láhüchagun wügüri le bederebudagüdübei,

18 ábame madisedundigiaadiwa lan buéi.

Ruba ibagari woun, ábame bírirügü lan waguaha.

19 Aburemei, Bungiu Suntigabafu,

adügabá lun wayabin lun ítara wamá kei wabéi meha!

Arufudabéi bínsiñehabu woun, ábame wesefurun!