1 Luáguñein burí wübü sánduti,

lebu luburugute Bungiu.

2 Hínsiñeti lubenari Sión lun Aburemei

sügǘ tau sun burí luban Hakobu.

3 Luburugute Bungiu,

buíduburiti katei ariñawagúti buagu:

4 «Lidan burí fulasu le subudibalina

gayaraati níriduni Ehiptu luma Babilónia,

Filistéa, Tiru luma Etiopía;

sun hagía bídangiñe hayabin».

5 Hariñaguba luagu uburugu Sión:

«Le luma lígita, ñéingiñe hayabin».

Bungiu guánarügü ederebudagüdübalin.

6 Bürǘ lumuti Aburemei tidan garudia

to ñein lubéi labürühóua liri burí fulasu:

«Ñéingiñe liabin le».

7 Ha eremuhabaña hama ha abinahabaña

hariñaga: «Bídanñoun nuban».