1 Nabureme, buguya Nubungiutebei,

wéiriti lanarime náluahanibu.

Mágürabutu nuani bun,

sun núgubu megei lumutibu,

ítara kei lemegeiruni múa mábeiti duna.

2 Busentina narihinibu búbiñe,

lun naríaguni bubafu luma buéirigun,

3 gebegiti bínsiñehabu sügǘ lau ibagari!

Neremuhaba bun lau niyuma;

4 nalawahabadibu lidan sun nibagari,

ani niñurubei núhabu afurieida bun.

5 Nerederuba gufurumañu kei aban le gadan lumuti,

aban fedu le ñein lumuti éigini semeeti,

leremuhame niyuma bun lau saragu ugundani.

6 Dan le róunhadina áriebu

aba naritagun samina au buagun;

7 ladüga buguya íderagubalina.

Gúndaatina lábugiñe barüna!

8 Lídanñein aban sun nibagari buma;

mígiragüdün lumutina búhabu le bóunwenren.

9 Ha áluahabaña háfarunina,

hábürühaba lurageirugun umúahaü;

10 háfarawaguba tau eféin,

ábame héigaguniña ounli áraabuna!

11 Ánheinti urúei lagundaaruba lidan Bungiu,

heremuhaba sun ha áfiñurubaña luagu,

ánhañati ha eyeehabaña, ladouruba hayuma.