1 Ha ibidiouguabaña aau haritaguatiña luagu ua lan Bungiu;

gádeihaña sun hagía;

adügaaña burí katei hanarimeti luriban;

úaaña adügütiña buiti!

2 Ariha lumutiña Aburemei gürigia siélugiñe

lun larihin anhein anihein lubéi aban hádangiñe

le gunfurandati lun láluahani Bungiu.

3 Gama lumoun sun hagía, ragǘ hamaali üma le wuribabei;

sun hagía gádeihaña.

Úaaña adügütiña le buídubei!

Úati ni íbini aban!

4 Úati gunfuranda hamá ha adaagubaña wuribani,

ha éigibaliña numutuniña kei heigin fein,

ha magúarunbalin liri Aburemei.

5 Hadadagaruba lau anufudei laume sun mébuna lan

ladüga chagagua lumuti Bungiu habu áganiñu.

Herederuba lau busiganu ladüga maha lan Bungiu houn.

6 Ñǘbuindügü láamuga lesefurun Ísüraeli

lídangiñe wübü Sión!

Danme lasansiruni Bungiu habunurun lumutuniña,

hagundaaruba ladügawagun Hakobu,

hama sun Ísüraelina.