1 Agúahatina bun, Nabureme higabu furese!

Aganbabéi numalali dan nagúahanibu!

2 Ítarala nafurieidun kei kupali bigibugiñe,

ítara ligíame núhabu iñurañu,

kei idewesei le lánina rábounweyu.

3 Nabureme, ruba aban óunigiruti luagu niyuma,

góunigibana danme le náwagachun.

4 Dísegüdabei nisaminan luéi wuribani,

mígirabana lun néibugun lidan katei wuribati,

ni lun neigin hama adügütiña wuribani.

5 Aban fulesei labeichunina aban gürigia harumati,

ibiñein fínuti lererehan.

Mamahanbadina lun libe burí katei ligia;

lau sun lagayuahan nuagu, nafurieidamemeba.

6 Hachagarúba hábutigu wuribatiña,

harihubeiti luagu inarüni lan buga nererun.

7 Ítara kei labouhóuniwa watu,

ítara luba lachagarawagun habu lubadu umúahaü.

8 Nabureme, Nabureme, buagu níchigei narihin;

buma náluaha nóunigiruniwa, mágurabana.

9 Sefubána tuéi sádara to esetirúboun nubá;

sefubána tuéi hasadaran wuribatiña.

10 Ábürüha hamá wuribatiña tidoun hasadaran guánarügü

sunme anaha lan ñüdün nubaruaguóun.