1 Nabureme, bun niñurei narihin lau ayumuruni,

buagun, buguya le arúeihabei sielu.

2 Ayumuraguatiwa iñureina waméi warihin

luagun Wabureme Bungiu,

kei larihin musu luagun lúhabu labureme,

kei tarihin musu luagun túhabu tabureme,

aguraba gudemehabu lan woun.

3 Gudeme wamá bun, Wabureme;

gudeme wamá bun,

ladüga mawandun wamaali hanabaguniwa;

4 gíbeeli wasufuriruni habulan rísitiña

luma mebereseni hámagiñe barügua tungua!