Chamada

15 B̈ii bɔŋ nɔ kie ndə məbɛ ŋkʉʉ ndə nubə nchəŋnchəŋ ndə bii tʉʼ fɔ̀ʼ haʼ ndə Nyii ndə ɔ kə tíi bii bɛ ŋkʉʉ. 16 Ŋwɔʼnə Nyii nɔ ghɔ̀ŋ mbɔ, "B̈ii bɛ ŋkʉʉ, bʉʼka mɔ nɔ bɛ ŋkʉʉ."

21 Bə nɔ kə tíi bii bʉʼka yɔ̄ŋ-yə, bʉʼka Klai nɔ kə nyíɛ ŋgʉəʼ yie-bii ghɔ ndə mədʉ̀ʼ wukə tʉ bii, mbɔ b̈ii chʉʼ lʉ̀ hə kəwu-ɔ.

9 Kə bii mə kə́ tyú bʉ̂ʼʉ nə bʉ̂ʼʉ fɛ byuunɔ byʉ̀hə nchɛŋ nə nchɛŋ fɛ, bii bɔŋ kie ndə mətúu bə biʼbə kɔ́ tʉ bɔŋ, bʉʼka Nyii nɔ kə kɔ̀ʼnə bə ndə məkɔ́ biʼbə tʉ bii ndʉʉ ndə ɔ kə tíi bii.

9 Ɔ nɔ nə kwáa bʉʼʉ, tíi bʉʼʉ ndə məbɛ ŋkʉʉ təmə bɛ bʉʼka fɔ̀ʼ ndə bʉʼʉ kə fɔ̀ʼ fɛ, bɔŋ nɔ nə bɛ bʉʼka yi-yə luu ghɔŋbə buuŋjyu. Ɔ nɔ nə kɔ́ buuŋjyu-ɔ̄ tʉ bʉʼʉ tíŋ hə bɔ̌ŋ Klai Jiso bəshʉbəshʉ mbi buŋ nə chʉ́ʉhə.

24 Mbəŋ-ɛŋ ndə ɔ tíi bii nɔ bɛ wo gìe shʉəŋ, ɔ bu fɔ̀ʼ haʼ ndə ɔ kə ghɔŋ.

4 Bʉʼʉ nɔ bɛ mbʉə imɔʼ bɔŋleʼ kie LyʉʉhəNyiikə imɔʼ, haʼ ndə bɛ mbyu kənu imɔʼ ndə məyʉ́əʼnə ndəŋ ghɔ ndʉʉ ndə Nyii kə tíi bii.

14 Mɔ nɔ tʉʼ kɔ̀ɔtə ndə mənyʉ́ʉ ndʉʉ-ɔ̄ gɛ̀ dàa liʼ-ghɔ̄ ndə məkie kɛŋbə ndə i bɛ yuo ndə Nyii tʉʼ tíi bʉʼʉ ndə məkɛ̀ŋ bʉʼʉ nə yɔŋ tíŋ hə bɔ̌ŋ Klai Jiso.

9 Nyii nɔ bɛ Nyii gìe shʉəŋ, Nyii ndə ɔ tíi bii ndə məkie njunə biibə Jiso Klai Vaa-ɛ, ndə ɔ bɛ Tiekətʉ-yʉʼʉ.

28 Nyii nɔ séʼ bʉə ndə wʉʉnəmbikə lʉ̀ bɔŋ ndə fɔ-njəŋtə-bə, kə́ jɛ́ŋhə bɔŋ buŋ bʉə ndə bɔ̂ŋ bɛ fɔ-njʉnjʉ-bə ndə məchìi bʉə ndə bɔ̂ŋ bɛ fɔkə, bɔ̂ŋ bɛ njʉnjʉ. 29 Nɔ, woməsʉʉ kaa ghɔ ndə bəkɔ ɔ kwɛ̀ŋ fyii-i bəshʉ-Nyii fɛ.

28 Bʉʼʉ bɔŋleʼ kínə mbɔ tʉ bʉə ndə bɔ̂ŋ kʉ̀ʉ Nyii, ɔ nɔ tʉʼ chìi nubə nchəŋnchəŋ ndə i tʉʼ fyú tʉ bɔŋ i kə́ fɔ̀ʼ ndə bʉʉ-yʉə. Nɔ bɛ bʉə ndə Nyii nɔʼ tíi bɔŋ mbɔ b̈ɔŋ fɔ̀ʼ nubə haʼ ndə ɔ nɔʼ kə shʉ̀tə.

14 Nyii nɔ nə tíi bii ndə yɔ̄ŋ-yə tíŋ hə bɔ̌ŋ ntəŋjyujyu ndə baʼa kə lɔ̀ʼ tʉ bii. Ɔ tíi bii ndə məgwè lʉ̀ yi-yə yʉʉ mu məgʉ́ə Jiso Klai Tiekətʉ-yʉʼʉ.

38 Bita bə̀ŋhə mbɔ, "Ẅotəmiyɔŋ mu bii shìe liɛŋ-ɛŋ hə ndəŋ bʉ̂ʼʉ, fí muu yie-Jiso Klai, ɔ chʉʼ sʉ̀fyii-i hə ndəŋ bʉ̂ʼtə-a. Nyii bɔŋleʼ kɔ́ Lyʉʉhəkə-i tʉ a.

16 Bii kə séʼ mɔ fɛ, nɔ nə séʼ mɔ séʼ bii, bɔŋleʼ chóʼ bii ndə məgɛ̀ kʉ́ʉnə ntɔŋmə ndə i bu chí dɔ̀ŋnə, kə mbɔ nukə təmiyɔŋ ndə bii bíʼtə tʉ mbʉ Tie nə yie-ɔ, ɔ bu kɔ́ tʉ bii.