Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Fana viya tata viyowawonela ubazi wanage,
niivo Mndewa Mulungu viyowawonela ubazi wanhu womdumba.
Mbali weye Mndewa Mulungu, Mulungu wa unovu na ubazi,
hupata ludoko himahima, mbali kumema ulondo na uwaminika.
Kwaviya ulondo wako wofaya ng’hani kufosa ugima,
nizakutogoza kwa mulomo wangu.
Mbali Mndewa Mulungu kolonga,
"Vino mama kodaha kumzimiza mwana iyomong’heza,
na kumwihila mwana iyamvumbule?
Mbali one yahamzimiza mwanage,
niye sizamzimizani.
Weye Yelusalemu, zina jako nijandika muna diganza jangu,
ng’huta zako noziwona kuulongozi wangu siku zose.
Mulungu kezawatemela mate wanhu wake
Ivo Mndewa Mulungu kogozela muladi yamuwoneleni ubazi.
Mndewa Mulungu niiyo Mulungu wa haki,
wamweda wanhu wose womgozela.
Weye Mndewa Mulungu, habule yalingile fana weye,
kolekelela uhasanyi wa wanhu wako wasigale wagima,
na hulola ubananzi wawo.
Ludoko lwako halugendelela siku zose,
mbali kodeng’helela ng’hani kuwalonda wanhu kwa kufunya umoyo.
Nizawagangamiza wanhu wa Yuda na nizawataza welesi wa Yosefu.
Nizawabweleza kumwawo kwaviya nowawonela ubazi,
nawo wezakuwa fana viya siwalemile.
Niye Mndewa Mulungu, Mulungu wawo nizawedika mbuli ziwopula.
"Mndewa Mulungu Yeli na Udahi kolonga, ‘Muhumize voilondeka, chila munhu yamuwonele ubazi ndugu yake na yamtendele mbuli zinogile. Sekemuwagaze wakefilwa hebu wachiwa hebu nyambenyambe hebu ngayengaye. Iviya sekemuilunge kuwatendela mbuli zihile wanhu wamwenga.’ "
Mweye ni wanhu wa Mulungu, kumulondani na kumsagulani muwe wake yeye mwenyewo. Ivo muwe wanhu wene moyo wa ubazi, unhu goya, kunyendanyenda, uhole na kufunya umoyo.
Mbali muwe na moyo unogile na ubazi, chila munhu nayamulekelele miyage fana Mulungu viyamulekeleleni uhasanyi wenu kwa nzila ya Chilisito.
Magayo kwa kutenda yanogile
Kukomelezelo nolonga vino, mweye wose molondeka muwe na moyo umwe na muwe na gesa dimwe, mwiilonde fana ndugu, muwe na unyendanyenda na uhole.
Lelo munhu yahawa na vinhu va zisi zose vino na yahamuwona ndugu yake kana uzidilwa na hamuwonela ubazi, kodahaze kulonga kana ulondo wa Mulungu muumoyo wake?
Paulo komwing’ha hewela Mulungu
Chimwing’he hewela Mulungu Tata wa Mndewa wetu Yesu Chilisito, Tata wa ubazi na Mulungu yotaza. Yeye kochitaza muna manhesa yetu yose, na muladi na cheye chidahe kuwataza goya wamwenga muna manhesa kwa kutaza goya iyo ichihokele kulawa kwa Mulungu.
Mkulu wa nhambiko wetu digogogo kochiwonela ubazi ng’hani muna unyondenyonde wetu, kwaviya yeye mwenyewo kagezigwa fana cheye kwa chila nzila mbali hatendile uhasanyi bule.
Deng’heleleni hamwe na wene kudeng’helela, iviya lileni hamwe na wene kulila.
Na sambi ndugu zangu nohita! Muwe wanogile kwa chila mbuli, iviya yamhiseni ulonzi wangu na mudahe kuwa na magesa yamwe, na mukale kwa tindiwalo. Na Mulungu wa ulondo na tindiwalo, kezakuwa hamwe na mweye.