12 Nywie ni wantu wakwe Muungu, yee awakundisae na kuwasagua. Kwa iyo, muwe na moyo wa mbazi, na muwe wedi, na muwe wanyenyekevu, na muwe wahuhusi na kuzizimiza.

32 Mgosoeyane yekuwayo yedi na yenye kuoneana mbazi na kia yumwe na amuekee mweziwe inga nae Muungu ekuwaekeavyo nywie kwa sia ya Klistu.

8 Mbui ya kisikizi ni inu, nywinywi nyose mwakundigwa kwekaisa kwa kutegeezana yumwe na mtuhu na kuoneana mbazi yumwe na mtuhu na kukundisana na kuwa wedi na wanyenyekevu,

17 Akini mntu akawa na vintu vingi vya inusi na amoona nduguye khana kintu na akaemea kumwambiiza mweziwe, adaha viivihi kugombeka kuwa amkundisa Muungu?

3 Atogolwe Muungu na Tate wa Zumbe yetu Yesu Klistu, Tate awafiiaye mbazi wantu, Muungu atiambizae. 4 Atiambiza mwe suuba zetu zose, ili na swie tidahe kuwaambiza watuhu mwe masuumizo yao inga viya Muungu ekutuambizavyo swie.

15 Tinae Mviki Mkuu kusima wose amanya usokezi wetu, yee mwenye kageezwa mwe sia zose inga swie, akini khekugosoa mavigaviga.

15 Kuwani na nyemi hamwe na wenao nyemi, iyani hamwe na waiyao.

11 Isasa wandugu zangu mwekae pheho, tozani ntamwiizi zangu na mtende wamwe, ekaani kwa uivanisi. Muungu wa ukundiso na uivanisi endaawe hamwe na nywie.