Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Kpa naña ete anie mbọm abaña nditọ ammọ,
kpa ntoro ke Abọọñ anie mbọm anọ mbon se ibaak anye;
Ado afo, Abọọñ, ado Abasi esịd mbọm ye mfọn,
usọppọ iyadesịd, ado ayọhọ ye ima ye akpanikọ.
Sia ima mfo afọn akan uwem,
ñkpọkinua mmi ayaunọ fiin ubọọñ.
Ke ntak akwa ima Abọọñ, ñnyịn itakka
sia mbọm ammọ ikpuuho.
Anye ado ufa afịd ubakusen;
mfọn mfo akpon eti-eti.
"Nte eka akeme adifre ayịn a-anye anọọhọ eba
me aditre adikop mbọm mbaña ayịn a-anye amanna?
Akpesʌkado a-anye akemeke adifre,
ami nduufreke fiin!
Se, ami mmumịñ fiin ke esịd ekaubọk mmi;
mme ndibene mfo emba miin ke iso ke nsi-nsi.
Ado Abọọñ anie udọñ aditua ndufo mbọm;
ke ntoro anye ayaadakka ada itua ndufo mbọm.
Sia Abọọñ ado Abasi akpe unen.
Afọfọn anọ afịd mbon se itie ibet anye!
Anie Abasi itie nte afo,
a-adakkake anọ ke idiọọkñkpọ anyʌñ afeen ndudue
mme ñyọhọnsʌhọ udeeme amọ?
Afo uyatta esịd ke nsi-nsi,
ado akop inem aditua mbọm.
"Ami ñyaanọ Yuda adudu,
ñnyʌñ ñnyaaña mme esiin Yosef.
Ami ñyaamaana mfọn mfọn ye ammọ,
sia ami mmenie mbọm mbaña ammọ.
Ammọ ediiba nte
akenam ami nsịnne ammọ,
sia ami ndo Abọọñ Abasi ammọ,
ami ñko ñyaayie ammọ.
"Se Abọọñ Andikponñkan aketañ ado ami: ‘Kịt bo ke e-enọ unenikpe: itua emọ-emọ mbọm ye mfọn. Ikiifiik ebekpa me ayịnakpa, asenawo me uweene. Ikiinie idiọọk uduak ibaña emọ-emọ.’
Ke ntoro, nte mbon A-Abasi amekke anọ idem amọ, ndisana ye ataa ndima, iben mbọm, mfọnido, ye nsuukidem isịne ke idem, ye ifuuro-ifuuro ido ye ime.
Ifọn ido inyʌñ ikop mbọm ibaña emọ-emọ, ifeen inọ emọ-emọ kpa naña Abasi akefeen inọọ ndufo ke Krais.
Ke akpatre, afịd ndufo inie esịd keed inọ emọ-emọ; inie mbọm, ima emọ-emọ, itua awo mbọm, inyʌñ isuuk idem ndufo.
Adieke awo anieghe inie isọñ ami ndin akịt ayịneka amọ ke Krais a-abaaha ke unana, ado ituaha anye mbọm, ima Abasi anam die aba ke uwem awo ado?
Ekọọm anie Abasi, Ete Abọọñ ñnyịn Yisọs Krais, Ete mbọm ye Ete afịd idọñesịd, i-idọññọ ñnyịn esịd ke afịd mfịna ñnyịn, nọ ato do ñnyịn ikan idọñ mbon e-ebaaha ke mfịna ato idọñesịd a-ñnyịn ke idem ñnyịn ibọọhọ ito Abasi.
Sia ñnyịn inieghe ekamba aku i-imiinieghe esịd mbọm ibaña mmemidem ñnyịn, ado inie anye a-adooho emaedomo anye ke afịd usʌñ naña enyʌñ idomo ñnyịn, ado anye ikinamma idiọọkñkpọ.
Idaara ye mbon e-edaarake, itua ye mbon e-etuañake.
Ke akpatre, nditọeka mmi ke Krais, idaara! Yak udọñ ndufo ado adikappa mfọn mma, ikpañ utọñ ke ebeeñe mmi, inie esịd keed, idʌñ emem-emem. Ndin Abasi ima ye emem ayaaba ye ndufo.