Compreensão

33 Oo, fʉʼ-Nyii-kə yɔ́ŋ ntyʉʉ təka loo! Mu kətʉ súunə-i ghɔŋbə ndaa-ɛ dɔ̀ŋnə ntyʉʉ təka loo! Bɛ nda ndə bəkɔ ɔ kínə tiɛŋ-ɛŋ ndə məchʉ̀ə ŋkwɛ-ɛ? Bəkɔ kínə nda kínə fiatə-i?

17 mbɔ N̈yii mbʉ Tie-məgʉ́ə, ndə ɔ bɛ Tie Tiekətʉ-yʉʼʉ Jiso Klai, kɔ́ bii nə fyii ndə məkie mukətʉ-súunə ndə i gwè hə kəghɔ-LyʉʉhəNyiikə bɔŋleʼ kɛ̀ʼ ŋwɔŋ-ɛŋ tʉ bii mbɔ bii kínə ɔŋ jyujyu,

18 B̈ii bɔŋ kə́ chí mbi nə nuʼ jyujyu gɛ̀ nə shʉbə mbɔ Jiso Klai Tiekətʉ-yʉʼʉ ndə ɔ bɛ Ŋkwaa-yʉʼʉ chʉʼ kə́ dʉ̀ʼ buuŋjyu yɔ́ŋyɔ́ŋ tʉ bii. B̈ii bɔŋ-kə́-leʼ bìʼ kínə ɔŋ gɛ̀ nə shʉbə.

M̈əgʉ́ə bɛ yi-yə lʉ̀ hə nduɔ gɛ̀ nə shʉbə təmə liʼ-i bɛ ghɔ fɛ. Ï bɛ haʼ nɔ.

3 Jiso bə̀ŋhə tʉ ɔŋ mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bìʼ * bí wo fɛ, ɔ mə nə kie yəŋkə mu Sɔ́ʼ-Nyii fɛ."

26 Bɔŋ Jiso lɛ́nə bɔŋ ghɔ̀ŋ mbɔ, "Yɔ̄ŋ-yə nɔ chàa ghʉəʼ-woməsʉʉ-kə, bɔŋ nubə inchəŋ yùhə tʉ Nyii."

35 Ɔ dùʼ sê tíi mbʉ vâafɔʼɔ njuɔ bûu nə wuŋ, ghɔ̀ŋ tʉ bɔŋ mbɔ, "Kaʼ wotəmiyɔŋ kə́ kʉ́ʉ bɛ fəŋ, ɔ nɔ kie ndə məbɛ ndyiʼtəkə mu bʉə bənchəŋ, bɔŋleʼ bɛ vaafɔ̀ʼ tʉ bʉə bənchəŋ."

28 Nɔ, wo-Juu kaa ghɔ ŋkʉʉ ndəŋ wo ndə ɔ gòʼ təmə bɛ wo-Juu fɛ, fʉə bɛ ghɔ ŋkʉʉ ndəŋ wo ndə ɔ gòʼ təmə bɛ fʉə fɛ, təmə woləŋ kə bɛ ghɔ ŋkʉʉ ndəŋ woke fɛ, bʉʼka bii nɔ bɛ fɔkə imɔʼ mu Klai Jiso. 29 Kaʼ bii bɛ tʉ Klai, təmə bii nɔ bɛ ŋgwie-wo-Ablahaŋ, njuhə te ŋkɔʼnə ndə bə kə kɔ̀ʼnə tʉ Ablahaŋ.

21 B̈ii bɔŋ yúotə nubə inchəŋ, yá nu-jyujyu-kə tə́nə chɔ shʉ́əshʉ́ə. 22 B̈ii shùʼ wukə-ii ndəŋ ntɛ-bʉ̂ʼʉ-hə inchəŋ.

3 Nɔ bɛ shʉəŋ mbɔ bʉʼʉ nɔ bɛ mu kəwʉʉnəmbi təmə bʉʼʉ bɔŋ kə́ gwúu byuʼu nə bʉə-kəwʉʉnəmbi fɛ.

18 Bʉʼka bʉʼʉ tʉ́ʼ shʉtə-ʉʼʉ ndəŋ nubə ndə bə tʉʼ nyíɛ fɛ, bʉʼʉ bɔŋ tʉ́ʼ bə ndəŋ nubə ndə bə mə nyíɛ fɛ. Bʉʼka fɔbə ndə bə tʉʼ nyíɛ bu mì, bɔŋ fɔbə ndə bə gòʼ təmə kə́ nyíɛ fɛ, kʉʉnə mì fɛ.

13 Kaʼ bə kə́ mùutə wo ndə məgwù mu bʉʼʉ, kə ɔ məghɔ̀ŋ mbɔ, "Nɔ tʉʼ mùutə Nyii mùutə mɔ fɛ." Bʉʼka mbɔ bə mə mùutə Nyii ndə məchìi bʉ̂ʼʉ fɛ, təmə mbəŋ-ɛŋ bɔŋ kyinə mùutə wo ndə məgwù mu bʉʼʉ fɛ.